ỤPA 8
Apyobwuna Oyina A Tị́ La Bwu Igu nya IJisọsị?
IJisọsị gbu chajị kahị ka la ọhịhị ọmyịmyị-ka. ỊJọn 3:16
Ẹnụtụrụ ịta nyọlẹ ká iJisọsị gbu kpá, anyang ịhyẹ kaka wụlẹ iworu nyamwụ yẹ, ma ọ tị da uhuhwo. IJihova wule iJisọsị eji bwula igu lẹ.
IJisọsi mẹ ịlọmwụ jẹ angịjụgbẹyị nyamwụ.
IJihova wule iJisọsị eji bwula igu nyọka la ọhịhị myịmyị lala alegu-ẹrụ ịkịla. Ọ ri olegu, áhi ka jẹ́-ẹ yọọ ka. Ọ́ ka jẹ́-ẹ gbu kaka. Angịjụgbẹyị nyamwụ yọọ ụka kọ wẹẹ rụ ka epwoohe.
Ohe Oluhye wule iJisọsị eji bwula igu lẹ, ọ hwọọ nyọka ri Adịrahụ nya ịpyị-Adịrahụ nyamwụ ẹẹ. ỊDanẹlụ 7:13, 14
IJisọsị hu ọhịhị nyamwụ kịlịya nyọka ra angịnyị ehe kpehe bwu ẹpwụtụbwọ nya ọhọbịrị bala igu. (ỊMatiyu 20:28) Bwula iya ọkịlaa-kịla nyamwụ, ọ họ chịkpẹẹ ká Ohe Oluhye ka ya ọhịhị ọmyịmyị-ka hahị.
IJihova chụ iJisọsị nyọka ri Adịrahụ nya odehe wuu. IJihova ka wule angịnyị ụnọ ohu da ụnọ iwo ine kụrụ ine (144,000) eji bwula igu ka epwoohe kị ka ri ịdịrịhụ bala iJisọsị. IJisọsị bala angịnyị ụnọ ohu da ụnọ iwo ine kụrụ ine ka kpeji lawụlẹ ị-ịpyị-Adịrahụ nya Ohe Oluhye e-epwoohe.—Ọwụrụụ-wụrụ 14:1-3.
Ịpyị-Adịrahụ nya Ohe Oluhye ka yẹ odehe ọlẹ la ịParadayịsị. Ẹwụ, ang onyobyi ọhọhọ, ẹbyahị, bala imyi ọnwụnwụ-ụ́ ka ji kaka. Angịnyị ehe ka chị ọkẹkẹnị yẹẹyẹẹ.—2 IPita 3:13.
You May Also Like
ESSENTIAL BIBLE TEACHINGS
Ịyẹ tị́ Du ká iJisọsị Gbu?
ỊBayịbụụ ya ẹla u-uhye nya igu nya iJisọsị yẹẹyẹẹ gụ́ ịkịla wuu. Igu ogbu-gbu nyamwụ la etu?
Ọ-HỌ KPA KPỊTỊYA
Kpịtịya nya Igu nya Ijisọsị
Ahị wụrụng bwu ẹpwụ nya ọkịlẹtụ nyahị nyọka juwa bala ah ẹ-ẹpwụ nya okpịtịya nya igu nya Ijisọsị ọwẹ. A ka jẹ jaabwọ ka ọhịhị bala igu nya Ijisọsị ka ju apyobwuna hang.
APWỤ & APWỤ ICHICHE
Angịlẹ kị́ Gbu ka Jẹ́-ẹ Hịhị Myịmyị Wẹẹ?
Ọngịnyị ọlẹ kọ́ háng yẹẹyẹẹ gbu hing ẹnẹhẹ lẹẹ? À ka ye ẹjẹ ọkpụ̀kpụ bwu ehe ọchịchị ọla ịBayịbụụ.
