Tá ni̱ si̱no uni̱ kivi̱ ña̱ ni̱ siʼi̱ Jesús, ni̱ siaʼa̱n java na̱ ñáʼa̱ ni̱ si̱nde̱ʼé ná nuu̱ ni̱ ndu̱si si jo ni iin ña̱ʼa ko̱ ní ndáni̱ʼi̱ ná, sia̱ ni̱ ja̱nátaku va Ndio̱s Jeová ta yóʼo.

Ni̱ naʼa̱ Jesús mií sí nuu̱ na̱ ni̱ sikanuu xíʼín sí, ta na̱ yóʼo ni̱ sini na si.

Ni̱ ja̱nátaku Ndio̱s de̱ʼe si Jesús, ta e̱kiví ka̱ si indeé vá kúú sí tátu̱ʼun iin espíritu ta kuu kée kuaʼa̱ ña̱ʼa. Na̱ ni̱ si̱ndi̱ko̱ ñaʼá ni̱ sini va na Jesús tá kuaʼa̱n si indiví.

Ni̱ siʼi̱ Jesús já jáka̱ku si ndiʼi na̱ ñuyíví yóʼo (Mateo 20:28). Si̱aʼa ña̱ ni̱ siʼi̱ Jesús kuu kutaku yó ndijaá táʼa̱n kivi̱.

Ni̱ ka̱si Ndio̱s Jeová ña̱ Jesús kúú ta kaʼnda chuun nuu̱ Ñuyíví yóʼo. Jesús xíʼín 144.000 na̱ nataku indiví na̱yóʼo kukuu na rey indiví nu̱ú nákaa̱ Gobiernó Ndio̱s (Apocalipsis 14:1-3).

Tá ná kaʼnda Gobiernó Ndio̱s chuun nuu̱ Ñúʼu̱ ntseʼei̱ ndunúchí ndiva̱ʼo ña. E̱kóo ka̱ na̱ kaʼní táʼan ni na̱ kini ni e̱kóo ka̱ jo̱ko ni na̱ kúndaʼví. Kujii̱ ndiva̱ʼo iníma̱ na̱yivi kandoyi na (Salmo 145:16).