NGEWA YA 8
Kĩkw’ũ kya Yesũ Kyonanasya Ata Kwaku?
Yesũ akwie nĩ kana tũtonye kwĩthĩwa thayũ. Yoana 3:16
Mĩthenya ĩtatũ ĩtina wa Yesũ akw’a, iveti imwe syaendie mbũanĩ na syeethĩa yĩ nthei. Yeova aĩ amũthayũũkĩtye Yesũ kuma akw’ũnĩ.
Ĩtina Yesũ nĩwamaumĩlĩĩile atũmwa make.
Kwa w’o, Yeova aĩ amũthayũũkĩtye Yesũ ta kyũmbe kĩna vinya, kya kĩveva kĩ thayũ ũtatonya kũkw’a. Amanyĩw’a ma Yesũ nĩmamwonie ambatĩte ĩtunĩ.
Ngai athayũũkisye Yesũ na amũtw’ĩkĩthya Mũsumbĩ wa Ũsumbĩ wa Ngai. Ndanieli 7:13, 14
Yesũ aumisye thayũ wake wĩthĩwe wovosyo kwondũ wa andũ. (Mathayo 20:28) Kwĩsĩla wovosyo ũsu, Ngai nũtumĩte vatonyeka twĩkale tene na tene.
Yeova amũnyuvie Yesũ ta Mũsumbĩ asumbĩke nthĩ yonthe. Akeethĩwa vamwe na andũ aĩkĩĩku 144,000 ala mathayũũkĩtw’e mekale ĩtunĩ. Yesũ vamwe na ala 144,000 maseũvĩtye silikalĩ ya ĩtunĩ ndũngalu—Ũsumbĩ wa Ngai.—Ũvuan’yo 14:1-3.
Ũsumbĩ wa Ngai ũkatw’ĩkĩthya nthĩ valatiso. Kaũ, ũng’endu, ũkya, na nzaa syĩikethĩwa vo ĩngĩ. Andũ makatanĩa mũno.—Savuli 145:16.
No Wendeewʼe Nĩ Ii
MOMANYĨSYO MA VATA MA MBIVILIA
Yesũ Akwie Nĩkĩ?
Mbivilia nĩyonanĩtye kana kĩkw’ũ kya Yesũ nĩ kya vata vyũ. Ve ũndũ waĩ wĩanĩw’e nĩ kĩkw’ũ kyake?
KŨLILIKANA
Lilikana Kĩkwʼũ kya Yesũ
Nĩtũũkũthokya mũno wĩthĩwe vamwe naitũ ĩla tũkethĩwa tũililikana kĩkwʼũ kya Yesũ o tondũ we mwene waisye. Ĩmanyĩsye ũndũ ũtonya kũtethwʼa nĩ thayũ na kĩkwʼũ kya Yesũ.
MAVUKU & MBULOSUA
Mo Andũ Ala Makwie Nĩmatonya Kwĩthĩwa Thayũ Ĩngĩ?
Nĩwĩthĩwa ũkw’ĩĩwe nĩ mũndũ wendete? Kĩla Mbivilia yathanĩte no kĩukiakisye na kĩkaũtethya.
