IMBANDE 8
Kupela kumwe Yesu kuvenao mana shani kwako?
Yesu andipela pakulota tupate shingumi shikamalilika. Nshuwau 3:16
Akapite maduva matatu ling’oto lyakupela kwake Yesu, vakongwe vanji vandyuka ndalola likabuli lyake, vakawike havankadidye. Yeova anintakatuwa Yesu.
Na ling’oto Yesu andyumilila pameo pa vakwoda vake.
Yeova anintakatuwa Yesu pakulota aname kenga munu waimumu, wadimongo hakanapela. Vamyombe vake Yesu vanimwona akwela kuwa.
Nnungu anintakatuwa Yesu na animmika kuva Umu wa Ishilikali Yake. Daniyele 7:13, 14
Yesu andijaula shingumi shake pakulota kuvambola vanu. (Mateu 20:28) Mwa walyambolelo lyolyo, Nnungu andyungula indila pakulota tupate shingumi shikamalilika.
Yeova animmika Yesu kenga Umu pakulota atawale shilambo shapai. Nae andapagwa pamo na vanu 144.000 vakukulupilika vapela na vankuvatakatuwa pakulota vaname kuwa. Yesu pamo na vanu 144.000 vankukandyanga ishilikali yakuwa ilota kutenda uwambone kwavanu. Ayo ni Ishilikali ya Nnungu.—Maono 14:1-3.
Ishilikali ya Nnungu indatenda shilambo shapai kuva ipalaishu. Haipagwa kavili ing’ondo, ukalau, umashikini na indala. Vanu vandava mwiu vakupuwanga.—Dimu 145:16.
Wako momo inakunagwela
KUMBUKUMBU
Kumbukumbu ya kupela kwake Yesu
Wetu tunkukulalika wako pakulota upagwe namu wetu pa shakutandeka ashi shapagweka. Undauka ndamanya shingumi na kupela kwake Yesu kulota kukupa paida shani.
MABUKU
Inkululika mwiu vapedile kuja ndanama kavili?
Andiwai kupela munu waushinagwaledya? Livikilo lya mu Ibibiliya na lyakupambadyanga linkulula kukuposhela.
