KITINI YA 8
Lufwa ya Yezu Ke Tendula Inki Sambu na Nge?
Yezu fwaka sambu beto zinga. Yoane 3:16
Bilumbu tatu na nima ya lufwa ya Yezu, bankento ya nkaka kwendaka kutala maziamu na yandi mpi kutaka yo ya mpamba. Yehowa futumunaka Yezu.
Na nima, Yezu monanaka na bantumwa na yandi.
Ee, Yehowa futumunaka Yezu bonso kigangwa mosi ya ngolo ya kimpeve mpi pesaka yandi luzingu ya kukonda lufwa. Balongoki ya Yezu monaka yandi ntangu yandi tombukaka na zulu.
Nzambi futumunaka Yezu mpi tulaka yandi Ntotila ya Kimfumu ya Nzambi. Daniele 7:13, 14
Yezu pesaka luzingu na yandi sambu na kufuta nkudulu sambu na kusumba bantu. (Matayo 20:28) Na nzila ya nkudulu yina, Nzambi me salaka na mpila nde beto zinga kimakulu.
Yehowa me tulaka Yezu Ntotila sambu na kuyala ntoto. Yandi ta yala ti bantu ya kwikama 144 000, yina ta futumuka sambu na kuzinga na zulu. Yezu ti bantu 144 000 ke sala luyalu ya lunungu ya zulu, disongidila Kimfumu ya Nzambi.—Kusonga 14:1-3.
Kimfumu ya Nzambi ta kumisa ntoto paladisu. Bitumba, nku, kinsukami, mpi nzala ta vanda diaka ve. Bantu ta vanda na kiese kibeni.—Nkunga 145:16.
Nge Lenda Sepela Mpi Ti
MALONGI YA MFUNU YA BIBLIA
Sambu na Nki Yezu Fwaka?
Biblia ke monisa nde lufwa ya Yezu kele mfunu mingi. Keti Yezu fwaka ti kikuma?
KUYIBUKA
Beto Yibuka Lufwa ya Yezu
Beto ke binga nge na kiese yonso na kwisa kuvukana ti beto na diambu yai ya mfunu. Nge ta longuka mutindu luzingu mpi lufwa ya Yezu lenda natila nge mosi mambote.
MIKANDA MPI TUMIKANDA
Keti ya Kieleka Bafwa Lenda Zinga Diaka?
Keti nge me fwilaka muntu mosi ya nge vandaka kuzola mingi? Lusilu ya Biblia yina ke pesa kikesa lenda sadisa nge.
