Jesus tóg ter mũ. Kurã tẽgtũ kar ũn tỹtá pipir fag vỹ ti kej vigve kãmũ, hã ra ti kej tóg kuprã nĩ sir. Jeová tóg Jesus rĩr mãn ke ja nĩ.

Kar Jesus tóg ti apóstolo ag mỹ vẽnh ven mũ.

Jeová tóg Jesus rĩr mãn ke, ti tỹ tỹ vẽnh kuprĩg há tar tãvĩ nĩ jé, kar ti pi hã re kã ter mãn ke mũ jé sir. Jesus nón múnh fã ag vỹ Jesus tỹ kanhkã ra tãpry mũ vigve kỹ nỹtĩ.

Jesus vỹ vẽnh kar jagfy ter kỹ nĩ, ti tỹ ag krenkren han jé. (Mateus 20:28) Topẽ tóg ẽg tỹ rĩr krỹg ja tũ venh han mũ, Jesus tỹ vẽnh kar jagfy ter ja tugnĩn.

Jeová vỹ Jesus tỹ tỹ pãꞌi nĩ han ke, Jesus tỹ ga tỹ rĩr jé. Ũn tỹ ga ki 144 mil kuprãg ja ag vỹ Jesus mré rãnhrãj ke mũ, ag tỹ ga ki kãgter kỹ, Topẽ tỹ ag rĩnrĩr mãn ke tĩ, ag tỹ kanhkã tá nỹtĩ jé. Jesus kar ũn tỹ 144 mil ag vỹ tỹ Topẽ pãꞌi nĩ, kanhkã tá. — Nén venh ke (Apocalipse) 14:1-3.

Topẽ pãꞌi vỹ ga tag tỹ vẽsỹ ga há han ke mũ, ga sĩnvĩ tỹ Éden ẽn ri ke. Kurẽ ẽn kã, vẽnh génh tỹ tũꞌ kenh mũ, jagtar tỹ tũꞌ kenh mũ kar vẽnh kar vỹ vãjãn nỹtĩnh mũ. Vẽnh kar vỹ mỹ há pẽ nỹtĩnh mũ. — Salmo 145:16.