GĨCUNJĨ GĨA 8
Gĩkuũ kĩa Jesu Gĩkũgunaga Atĩa?
Jesu aakuire nĩgetha tũgaatũũra muoyo. Johana 3:16
Thikũ ithatũ thutha wa Jesu gũkua, atumia amwe nĩ maathiire mbĩrĩra-inĩ yake na magĩkora ndarĩ ho. Jehova nĩ aariũkĩtie Jesu kuuma kũrĩ akuũ.
Thutha ũcio Jesu akiumĩrĩra atũmwo ake.
Ĩĩ, Jehova nĩ aariũkĩtie Jesu arĩ kĩũmbe kĩa roho kĩrĩ hinya, na gĩtangĩkua. Arutwo a Jesu nĩ maamuonire akĩambata igũrũ.
Ngai nĩ aariũkirie Jesu na akĩmũtua Mũthamaki wa Ũthamaki wa Ngai. Danieli 7:13, 14
Jesu aarutire muoyo wake nĩguo arĩhĩre andũ ũkũũri. (Mathayo 20:28) Kũgerera ũkũũri ũcio, Ngai nĩ atũmaga kũhoteke tũgaatũũra tene na tene.
Jehova aatuire Jesu Mũthamaki wa gũgaathamaka thĩ. Agaathamaka hamwe na andũ 144,000 ehokeku arĩa mariũkagio kuuma thĩ magathiĩ gũtũũra igũrũ. Jesu na acio 144,000 mathondekaga thirikari ya igũrũ ĩrĩ na ũthingu—Ũthamaki wa Ngai.—Kũguũrĩrio 14:1-3.
Ũthamaki wa Ngai ũgaatũma thĩ ĩtuĩke paradiso. Mbaara, wĩki-naĩ, ũthĩni, na ng’aragu itigaacoka gũkorũo kuo rĩngĩ. Andũ magaakorũo na gĩkeno kĩa ma.—Thaburi 145:16.
Icunjĩ Ingĩ Hihi Ũngĩenda Gũthoma
MORUTANI MA BATA MA BIBILIA
Jesu Aakuire Nĩkĩ?
Bibilia nĩ yonanagia atĩ gĩkuũ kĩa Jesu kĩarĩ kĩa bata mũno. Hihi nĩ kĩarĩ na muoroto mũna?
KĨRIRIKANO
Kũririkana Gĩkuũ kĩa Jesu
Tũrakũũria na gĩtĩo ũgooka tũnyitanĩre igongona-inĩ rĩu rĩa bata mũno. Nĩ ũkeeruta ũrĩa wee ũngĩgunĩka kuumana na ũtũũro na gĩkuũ kĩa Jesu
MABUKU & BROSHUA
Hihi Arĩa Makuĩte no Macoke Muoyo?
Hihi wanakuĩrũo nĩ mũndũ wendete? Kĩĩranĩro gĩa kũũmĩrĩria kĩa Bibilia no gĩgũteithie.
