LUFUNJISHO 8
Lufu lwa kwa Yesu Lwanema Byepi kwi Anweba?
Yesu wafwile kuba’mba tukekale na bumi. Yoano 3:16
Yesu byo afwile, papichile moba asatu. Banabakazhi bamo byo bayile ku kilende kyanji bataine ufwamo. Mambo Yehoba wamusangwile.
Byo papichile kimye, Yesu wamwekele ku batumwa banji.
Kine, Yehoba wamusangwile Yesu ne kwikala kilengwa kya mupashi kya bulume kibula kufwa. Baana ba bwanga ba kwa Yesu bamumwene saka aya mwiulu.
Lesa wamusangwile Yesu ne kumutongola kwikala Mfumu wa Bufumu bwa Lesa. Danyela 7:13,14
Yesu wafwile kuba’mba akuule bantu. (Mateo 20:28) Kupichila mu buno bukuzhi, Lesa wapa bantu jishuko ja kwikala myaka ne myaka.
Yehoba watongwele Yesu kwikala Mfumu wa kulama bantu pano pa ntanda. Ukalamina pamo ba 144,000, ko kuba’mba bantu ba kishinka basangulwa kufuma pano pa ntanda kuya na kwikala mwiulu. Yesu ne bano bantu 144,000 bo baji mu kafulumende waoloka wa mwiulu nangwa’mba Bufumu bwa Lesa.—Lumwekesho 14:1-3.
Bufumu bwa Lesa bukalengela ino ntanda kwikala paladisa. Nkondo, bumbanzhi, buyanji ne nzala bikapwa. Bantu bakasangalala bingi.—Salamo 145:16.
Mwakonsha Kutemwa
ESSENTIAL BIBLE TEACHINGS
Mambo ka Yesu o Afwijile?
Baibolo umwesha buneme bwa lufu lwa kwa Yesu. Nanchi lufu lwanji lwaingijile mwingilo wanema nyi?
KIVULUKO
Kuvuluka Lufu lwa kwa Yesu
Tubena kumwita kwiya na kupwila pamo ne atweba pa jino juba janema byo tukavulukanga lufu lwa kwa Yesu kwesakana na byo akambizhe. Fundai byo mwakonsha kumwenamo mu bwikalo bwa kwa Yesu ne lufu lwanji.
MABUKU NE MABULOSHUWA
Umvwe Muntu Wafwa, Wakonsha Kwikala Mumi Jibiji Nyi?
Nanchi mwafwishapo mulunda nenu nyi? Milaye iji mu Baibolo yakonsha kwimutekenesha.
