အကူာ် ၈
ယ့ၣ်ၡူးတူၢ်သံသးအဃိ အကဲဘျုးလၢနဂီၢ်ဒ်လဲၣ်
ယ့ၣ်ၡူးတူၢ်သံအသး လၢပကန့ၢ်ဘၣ်တၢ်မူအဂီၢ်. ယိၤဟၣ် ၃:၁၆
ယ့ၣ်ၡူးသံဝံၤသၢသီန့ၣ် ယဟိဝၤယွၤမၤသမူထီၣ်က့ၤအီၤ. အဃိ ဖဲပှၤပိာ်မုၣ်တနီၤလဲၤဝဲလၢ ယ့ၣ်ၡူး အတၢ်သွၣ်ခိၣ်အခါ အဝဲသ့ၣ်တထံၣ် ယ့ၣ်ၡူးအစိၣ်လၢ တၢ်သွၣ်ခိၣ်လၢၤဘၣ်.
လၢခံ ယ့ၣ်ၡူးလီၣ်ဖျါထီၣ်အသးလၢ တၢ်မၢဖိတဖၣ်အမဲာ်ညါ.
ယဟိဝၤယွၤမၤသမူထီၣ်က့ၤ ယ့ၣ်ၡူးဒ်သိးဒီး ပှၤနီၢ်သးဖိတဂၤ ဒီးယ့ၣ်ၡူးသံတသ့လၢၤဘၣ်. ဖဲယ့ၣ်ၡူးက့ၤထီၣ်လၢ မူခိၣ်အခါ အပျဲၢ်အဘီၣ်တဖၣ် ထံၣ်ဘၣ်ဝဲ.
ဒၤနံးယ့လး ၇:၁၃, ၁၄
ကစၢ်ယွၤ မၤသမူထီၣ်က့ၤယ့ၣ်ၡူး ဒီးဒုးကဲထီၣ်အီၤလၢ ကစၢ်ယွၤအဘီမုၢ်အစီၤပၤ.ယ့ၣ်ၡူးဟ့ၣ်လီၤကွံာ်အသးသမူ ဒ်သိးကပှ့ၤက့ၤ ပှၤကညီအဂီၢ်. (မးသဲ ၂၀:၂၈) ကစၢ်ယွၤ ကတဲာ်ကတီၤန့ၢ်ပှၤ တၢ်ပှ့ၤက့ၤတခါအံၤ ဒ်သိးပကအိၣ်မူဘၣ် လီၤထူလီၤယိာ်.
ယဟိဝၤယွၤ ဒုးကဲထီၣ်ယ့ၣ်ၡူးလၢ စီၤပၤလၢအကပၢ ဟီၣ်ခိၣ်ဒီဘ့ၣ်. ပှၤတီပှၤလိၤလၢ အနီၣ်ဂံၢ်အိၣ်ဝဲ ၁၄၄,၀၀၀ န့ၣ် ကဂဲၤဆၢထၢၣ်သမူထီၣ်က့ၤ လၢမူခိၣ်. ယ့ၣ်ၡူးဒီး ပှၤ ၁၄၄,၀၀၀ သ့ၣ်တဖၣ်အံၤ ကကဲဝဲ ပဒိၣ်လၢအတီအလိၤတဖု လၢအပၢတၢ်လၢ ကစၢ်ယွၤအဘီမုၢ်အပူၤ.—လီၣ်ဖျါ ၁၄:၁-၃.
ကစၢ်ယွၤအဘီမုၢ် ကမၤကဲထီၣ်ဟီၣ်ခိၣ်လၢ ပၤရဒံစူး. အဃိ တၢ်ဒုးတၢ်ယၤ, တၢ်အၢတၢ်သီ, တၢ်ဖှီၣ်တၢ်ယာ် ဒီးတၢ်သၣ်ဝံၤလီၤဒိ တအိၣ်လၢၤဘၣ်. ပှၤဟီၣ်ခိၣ်ဖိကအိၣ်ဒီး တၢ်သးခုနီၢ်ကီၢ်.—စံးထီၣ်ပတြၢၤ ၁၄၅:၁၆.