KITINI 8
Lufua ya Yesu kele na yinki mfunu samu na nge?
Yesu kufuaka samu beto koka kubaka luzingu. Yoane 3:16
Bilumbu tatu na manima ya lufua ya Yesu, banketo yankaka kuendaka na kiziami ya Yesu mpe bakutaka yau ya pamba. Yehova futumunaka Yesu.
Na manima, Yesu monikinaka banlonguki na yandi.
Yehova futumunaka Yesu kisemua ya kimpeve, ya ngolo, yina lenda kufua diaka ve. Banlonguki na yandi monaka ntangu yandi vutukaka na dizulu.
Nzambi futumunaka Yesu mpe yandi kumisaka yandi Mfumu ya Kimfumu ya Nzambi. Daniele 7:13, 14
Yesu pesaka luzingu na yandi samu yavuanda nkudulu samu na bantu. (Matayo 20:28) Na nzila ya nkudulu yina, Nzambi mepesa beto diluaku ya kubaka luzingu ya mvula na mvula.
Yehova tulaka Yesu Mfumu samu yandi keyadila ntoto ya mvimba. Yandi keyala na bantu 144 000 ya lunungu, yina futumukaka awa na ntoto samu na kukuenda na dizulu. Yesu na bantu 144 000 yango bamesala guvernema mosi ya lunungu na dizulu—Kimfumu ya Nzambi.—Kusonga 14:1-3.
Kimfumu ya Nzambi kekumisa ntoto paradiso. Bankindu, kinkesi, kibobola mpe nsatu kevuanda diaka ve. Bantu nionso kevuanda na kiese.—Nkunga 145:16.
Tala diaka...
ESSENTIAL BIBLE TEACHINGS
Samu na yinki Yesu kufuaka?
Yalenda vuanda nge mekuwaka ti yandi kufuaka samu na masumu na beto. Kasi nkayilu ya muntu mosi kaka lenda mpenza kupesa mambote na bamilion ya bantu?
MBAMBUKULU
Kanisa lufua ya Yesu
Beto mebokidisa nge nge kuiza sangana kintuadi na beto na diluaku yango ya mfunu. Nge kelonguka mutindu lufua ya Yesu lenda natina nge mambote.
MIKANDA & MUA MIKANDA
Bantu ya kufua balenda mpenza kuzinga diaka?
Nge mefuilaka muntu mosi yina nge vuandaka zola? Nsilulu ya kukindisa yina mekatuka na Biblia lenda sadisa nge.
