KYENDE 8
Mutali mukizi lukuo lwa Yesu lwatukasa?
Yesu akule buno tumone kalamo. Yoana 3:16
Bindi bisatu na gekwila Yesu, bakikulu bamozi bendile ku nsinda zigyikilwemo, nu bazisangile zili bwasi. Yehowa abezaga igya mwigyukya.
Kuzindikizya, Yesu amonekile na basingwa bage.
Lebelebe, Yehowa agyukizye Yesu; abende lino muntu wa muuza uli na magala nu uteneema kukua lingo. Bigisibwa ba Yesu bamumonile gabezaga es’enda mw’igulu.
Danieli 7:13, 14
Kalaga igyukizye Yesu nu kumubika ebe mukota wa Bukota bwage.Yesu aligile kalamo kage ku bukuluzi bwa bantu. (Matayo 20:28) Kutingila kinsansa kikyo, Kalaga azibuinde nzila za kumona lingo kalamo kete na kusila.
Yehowa imikile Yesu ebe Mukota wa kisi. Yesu ekukimalila gamozi na bango bantu bisanana 144 000, u bekaba mu bubo bukota bwa mw’igulu bukaangata kisi bulonge bukata; bo u bukota bwa Kalaga.—Kulolesibwa 14:1-3.
Bukota bwa Kalaga bukagalula kisi kinse kibe Paladiso. Takukaba lingo bita, kuenega milembe za bakota, buzambi aba nu nzala. Bantu bekaba na mbogimbogi nunse.—Nimbo 145:16.