LUBASU 8
Ino Lufu Lwakwe Yesu Lulakonsha Kumucafwa Buyani?
Yesu wakafwa kwaamba ayi swebo tukabe abuumi. Joni 3:16
Inshiku shotatwe kuswa mpa akafwita Yesu, banakashi bamwi bakaya ku cuumbwe cakwe akucana ayi taamo. Yehova wakabusha Yesu kuswa ku bafu.
Pesule Yesu wakaboneka ku batumwi bakwe.
Ncakwiila, Yehova wakabusha Yesu kuba muntu wankusu, cilengwa ca mushimu, citakonshi kufwa sobwe. Bashikwiiya bakwe bakamubona ndyakalinga kuya kwiculu.
Lesa wakabusha Yesu alimwi wakamubika kuba Mwaami wa Bwaami bwakwe Lesa. Danyelo 7:13, 14
Yesu wakaaba buumi bwakwe kwaamba ayi alubule bantu. (Mateyo 20:28) Kwindila mu cilubula ico, Lesa ulalenga ayi tukakale muyayaya.
Yehova wakasala Yesu kuba Mwaami kwaamba ayi endeleshe cishi. Ulakuba pomwi abantu 144,000 bashomeka alimwi babuka kuswa pa cishi kuya mu kukala kwiculu. Yesu aba 144,000 balapanga bwendeleshi bululeme bwa kwiculu—Bwaami bwakwe Lesa.—Ciyubululo 14:1-3.
Bwaami bwakwe Lesa bulakulenga cishi kuba paladaiso. Inkondo, milandu, bupenshi, ansala shilakumana. Bantu ncakwiila balakusangalala.—Kulumbaisha 145:16.
You May Also Like
ESSENTIAL BIBLE TEACHINGS
Ino Yesu Wakafwita Nshi?
Mpashi mwakanyumfwawo ayi wakafwa ceebo ca shibiibi shesu. Ano sa lufu lwa muntu womwi inga lwalubula bantu baanji?
CIIBALUSHO
Amwiibaluke Lufu Lwakwe Yesu
Twamwiita kwaamba ayi mukacanikeeko kucakucitika ici ciyandika. Mulaakwiiya mbweenga mwacana mpindu kuswa kubuumi alimwi alufu lwakwe Yesu.
MABUKU A TUBUKU
Sa Ncancinencine Bafu Balaakubushikwa?
Sa mwakafwitwa shikamukowa na shicibusa? Cishomesho camu Baibo ciyuminisha inga camucafwa.
