Yeˍsuˆ suh ve shehˆ nyi gaˬ leh, yaˇ miˇ teˇ hpaˍ hpaˍ yawˇ tuˍ kuiˬ lo kʼai ve yoˬ. Yaꞈ hkʼaˇ, tuˍ hpfuh hkʼaw teꞈ chiˉ maˇ mawˬ. Yaˬhoˉvaˬ Yeˍsuˆ htaꞈ kʼawꞈ teꞈ tu la piˇ peuˬ ve yoˬ.

Oˇ ve hkʼawꞈ nawˉ, Yeˍsuˆ ve tcuh yaˇ hui yawˇ htaꞈ gʼa mawˬ ve yoˬ.

Yaˬhoˉvaˬ Yeˍsuˆ htaꞈ co co taiˍ taiˍ ve kanˇ paˆ uiˍ jaˇ ve awˬ ha kʼawꞈ teꞈ tu la piˇ ve yoˬ. Yeˍsuˆ ve awˬ laꞈ gʼawˇ yawˇ mvuhˇ naw ma hkʼoˆ taˆ˗e ve htaꞈ gʼa mawˬ ve yoˬ.

Yeˍsuˆ suh ve teˇ ceuˬ lehˬ, chaw yaˇ awˬ pon htaiˍ hkʼawꞈ piˇ ve yoˬ. (Maꞈhtehˍ 20:28) Htaiˍ hkʼawꞈ laˇ ve oˇ ve htaꞈ pa taw, ngaˬ hui co co taiˍ taiˍ teꞈ chehˇ gʼa tuˬ ve awˬ hkʼaˇ Gʼuiˬ sha te laˇ ve yoˬ.

Miˬ guiˬ hkʼoˆ lo uˉ peunˍ tuˬ Yaˬhoˉvaˬ Yeˍsuˆ htaꞈ Hkunˉ hawˉ hkanˇ hpehꞈ tcuh ve yoˬ. Ka tiꞈ yeˬ ve chaw yaˇ 144,000 gʼaˇ htaꞈ kʼawꞈ teꞈ tu la piˇ leh, mvuhˇ naw ma hkʼoˆ yawˇ geh chehˇ tuˬ yoˬ. Yeˍsuˆ leh 144,000 gʼaˇ mvuhˇ naw ma hkʼoˆ hteˇ ve cawˇ ve uˉ peunˍ ve awˬ moˍ hpehꞈ ve yoˬ. Oˇ ve lehˬ Gʼuiˬ sha ve mvuhˇ miˬ yoˬ.—Hpeuꞈ maˍ ve 14:1-3.

Gʼuiˬ sha ve mvuhˇ miˬ miˬ guiˬ htaꞈ paˍraˍdiˇsuˆ hpehꞈ tcuh tuˬ yoˬ. Maꞈ bawˆ ve, awˬ liˇ htaꞈ te yaꞈ ve, haˍ gʼawˇ ve, meuꞈ ve kaˆ ve, chi teˇ hpaˍ maˇ kʼawꞈ cawˬ. Chaw yaˇ awˬ tehˬ awˬ na gʼa ha lehˬ tuˬ yoˬ.—Chiˇ mvuh ve 145:16.