KIPINDI 8
Lelo Lufu lwa Yesu Lushintulula Bika Kodi?
Yesu wāfwile mwanda wa tumone būmi. Yoano 3:16
Mafuku asatu kupwa kwa Yesu kufwa, bana-bakaji bamo bāendele kukamutala mu kibundu bamutana mutupu’ye. Yehova wādi ke mupwe kusangula Yesu ku lufu.
Mwenda mafuku, Yesu wāmwekela batumibwa bandi.
Bine, Yehova wāsangwile Yesu bu kipangwa kya ku mushipiditu kya bukomo, kekibwanyapo kufwa. Bana ba bwanga ba Yesu bāmumwene ukanda mūlu.
Leza wāsangwile Yesu ne kumubikika bu Mulopwe wa Bulopwe bwandi. Danyele 7:13, 14
Yesu wāpēne būmi bwandi mwanda wa kufutyila bantu kikūlwa. (Mateo 20:28) Kupityila ku kino kikūlwa, Leza i mwitupe muswelo wa kumona būmi bwa nyeke.
Yehova wātongele Yesu bu Mulopwe wa kuludika ntanda. Ukabikala na bantu ba kikōkeji 144 000 basangulwa pano pa ntanda mwanda wa kwenda mūlu. Yesu ne ba 144 000 bakabunda umbikalo moloke wa mūlu
Bulopwe bwa Leza bukalamuna ntanda ke paladisa. Mavita, bupolapola, bulanda, ne nzala kebikekala’kopo dikwabo. Bantu bakekala mu nsangaji ya binebine.
Tala'po Bidi ne Bino:
ESSENTIAL BIBLE TEACHINGS
Mwanda Waka Yesu Wāfwile?
Bible ulombolanga mvubu mikatampe ya lufu lwa Yesu. Le lufu lwandi lwādi na kitungo?
KIVULUKILO
Kuvuluka Lufu lwa Yesu
Tukwita na nsangaji utanwe netu ku uno mwanda wa mvubu. Ukayuka muswelo okokeja kumwena mu būmi bwa Yesu ne mu lufu lwandi.
MABUKU & MABOLOSHILE
