KJOAʼMIYA 8
Ánni nga kʼiensíni je Jesús
Kui xá kʼienni Jesús nga koa̱n kuiyochoán ngantsjai nichxin (Juan 3:16)
Kʼianga jekoanni jan nichxin nga kʼien Jesús, kichokotsen kʼa yánchjín ya tsjó jñani kisʼeñe tonga tokjitia nga tsabe. Jé Jeobá kisikjaʼáyale je Jesús.
Nga jekoanni, je Jesús tsʼatsenle je pastrole.
Kʼianga kisikjaʼáyanile Jeobá je Jesús kui yao kisikʼa ijngokʼa jokjoan tsʼe ánkje kʼoa tse nganʼio kitsjoale. Kʼianga kini ya ngʼajmi tsabe je chjotale. Je Jesús alikʼia tikuiyáni.
Je Niná kisikjaʼáyale je Jesús kʼoa Rey sʼin kisikʼéjna ya ngʼajmi (Daniel 7:13, 14)
Kui xá kitsjoani kjoabijnachonle Jesús nga tsakʼéchjíntjainá xi chjotaa (Mateo 20:28). Kʼoa kui kjoabʼechjíntjai jebi sichjén Niná nga tsjoáná kjoabijnachon xi tsínkʼia fetʼa.
Je Jeobá Rey sʼin kisikʼéjna Jesús kʼoa jé kiskoejin nga koatexomason Sonʼnde. Kʼoati jngo siento kao ñachanño jmi mani chjota kiskoejin xi ya koai ya ngʼajmi. Je Jesús kʼoa kao chjota jebi yaa tje̱n ngʼajmi koatexomani (Apocalipsis 14:1-3).
Je Rey xi kiskoejin Niná ʼndenaxó sikao i̱ Sonʼnde. Alikui tisʼe̱ni kjoajchán, kjoatsʼen, kjinrá kʼoa likui tima̱ kuiyoñá. Ñaki nda kuiyoaa (Salmo 145:16).
Tsa kʼoati meli jchai xi tʼatsʼe jebi
XI MACHJÉN NGA JCHAA
Ánni nga kʼiensíni Jesús
Je Biblia nʼio síkʼaxki̱ je kjoabiyale Jesús. Jmé kjoanda xi tjenkao nga kʼoasʼin kʼien.
A ʼYANÍ JME XI TÍNCHJANI JE BIBLIA
Nga kinikʼien Jesucristo
Jmé kjoabichi tsakʼéjnabasen Jesús nga kjesa nikʼienjin.
NGA FAʼAITSJENYA KJOABIYALE CRISTO
Si̱kjaʼaitsjenyá je kjoabiyale Jesús
Menajin nga kʼuínkaonáijin nga si̱kjaʼaitsjenyaijin je kjoabiyale Jesús tojosʼin tsakʼéne. Kui sa̱kóya jósʼin koasenkaoná jme xi kisʼin kʼoa kao kjoabiyale.
LIBRO KAO FOYETO
A kjoaʼáyanile je kʼien
Kʼiatsa jesa kʼien jngo xíngi, je Biblia jngo kjoachoya tsjoá xi nʼio nda kʼoe tokuin.
