Mꞹ ya bi kjogꞹ jñii paa ma o nrru̱u̱ e Jesús, jñii nrrinxu o ma nuji kʼe trʼoʼo ja bi dyogꞹji e Jesús. Dya kja go chotrʼꞹjinu, e Jehová ya bi xosꞹ e Jesús.

Kʼo discípulo nrro go jñantrji e Jesús.

Ma e Jehová o xosꞹ e Jesús, dya mi ngeje bʼɇzo mi ngeje da anxe, me na zezhikʼꞹ dya kja ra nrru̱u̱. Kʼo discípulo o jñantrji ma e Jesús go maa ajensʼe.

E Jehová nee ke ra mimiji nrrexe yo paa, ngekʼua o pejñe o trʼii kja ne Xoñijomꞹ o nrru̱u̱ (Mateo 20:28). Akjanu nutsʼkʼoji dya kja ra ndu̱ji, ra soo ra mimiji nrrexe yo paa.

E Jehová o ñeme e Jesús ngekʼua ra manda kja o Reino e Mizhokjimi. 144.000 ntee ra moji ajensʼe; angezeji ñe e Jesús ra mandaji yo ntee kʼo ra mimiji kja ne Xoñijomꞹ (Apocalipsis 14:1-3).

Ma ra manda e Jesús, dya kja ra kjaji chu̱ʼu̱, dya kjo ra kjapꞹ kʼo na sʼoo o minteji, ra pɇsʼiji na punkjꞹ pje ra siji, dya kja ra supjreji, me ra mⱥji, me rga zøø ne Xoñijomꞹ (Salmo 145:16).