GĨCUNCĨ KĨA 8
Gĩkuũ kĩa Jesũ Kĩrĩ na Gĩtũmi Kĩrĩkũ Kĩrĩ Gwe?
“Mucara” jwa wĩyia nĩmbi? Aroma 6:23
Ntũkũ ithatũ nyuma ya Jesũ gũkua, ekũrũ bamwe nĩbarĩũngire mbĩrĩrene na barethĩra ĩrĩ ĩntheri. Jehova naarĩ akũriũkia Jesũ kuuma kĩrĩ akuũ.
Nyumene Jesũ nacionanirĩe kĩrĩ atũmwa bawe.
Jehova nariũkĩrie Jesũ arĩ na mwĩrĩ jwa kĩrũndu jũrĩ na inya jũrĩa jũtĩũmba gũkua. Aritwa ba Jesũ nĩbamwonere aitĩtie ĩgũrũ.
Mũrungu nariũkĩrie Jesũ na aramũethia Mũnene wa Ũnene bwa Mũrungu. Danieli 7:13, 14
Jesũ naritĩre mwoyo jwawe jwee ĩkũũrĩ rĩa antũ babaingĩ. (Mathayo 20:28) Tontũ bwa njĩra ĩu ya ĩkũũri Mũrungu naatũmĩre kũmbikane gũtũũra kenya na kenya.
Jehova naetherie Jesũ Mũnene wa kwatha nthĩgũrũ yonthe. Akaathana na antũ babagĩru 144,000 baria bariukagua kuuma nthĩgũrũ na gwĩta gũtũũra ĩgũrũ. Jesũ na bau 144,000 bathithĩtie thirikarĩ ĩmbagĩru ya ĩgũrũ—Ũnene bwa Mũrungu.—Kugwurirwa 14:1-3.
Ũnene bwa Mũrungu bũkagarũra nthĩgũrũ yee paradiso. Ndũa, mothũũku, mpaara, thĩĩna bitĩgacoka gũkara o kaĩrĩ. Antũ bakethĩrwa na kũgwĩrua kwa mma.—Zaburi 145:16.
You May Also Like
MŨRIIKANA
Riikana Gĩkuũ kĩa Jesũ
Nĩtũgũkũgwata ũgeni mono wĩthĩrwe amwe naatwĩ ũntũne bũũ bwa bata. Ũkairitana ũrĩa ũtũũro na gĩkuũ kĩa Jesũ biũmba gũkũguna.
MAUKU & BROCHUA
Barĩa bakuĩte rĩ, bagatũũra kaĩrĩ?
Rĩ, nũkwĩri nĩ muntũ wendete? Wĩrane bwa Bibiria bwomba gũkũboreria.
