KPO 8
Zízɛ̀ E Ga, Gbũ̀mɔ̀ Kpɛɛ̀ Lɛ́ Ì Bɛ̀i À Sɔ̀lɔ̀ Ɓoò À Kolo Là?
Zízɛ̀ e ga kɛ kɔá laɓo sɔ̀lɔ̀ ɓo. Zɔ̃̀ɔ̃́ 3:16
Lɛ̀ lɛ́ lɛ̀kpɛ̀i yààka e die kɛ Zízɛ̀ áà gaa, loà dò ó ló à ɓɔ́à ó bílí gɛ̃̀, kɛɛ lɛ̀ɛ́ gbaa kɛ yí, ɓii Zìhóvà e à wɛ̀lɛ̀ ga kɛ̀lɛ̀.
Lɛ̀ e kɛ kília Zízɛ̀ e ɓíé gbaa là tòà-píé-mìà là.
Zìhóvà e kɛ̀ɓe dɛɛ nɔ Zízɛ̀ lɛ̀ɛ lɛ̀ e à wɛ̀lɛ̀ ga kɛ̀lɛ̀ɛ ka, lɛ̀ɛ́ ló gbaa gaà. Zízɛ̀ là tòà-píé-mìà wa gɛ̃̀ gbaa áà lò lɛ̀í.
Wɛ̀lɛ̀vèlésɔ̃̀ 11:15
Wálà e Zízɛ̀ wɛ̀lɛ̀ ga kɛ̀lɛ̀ a kɛ Kĩ́ĩ̀ ká là Tò-mia-làa wɛ̃́ĩ̀.Zízɛ̀ e là kɛ̀ɓe nɔ kɛ é kɔá wũ mɛ́ ɓo. (Máfìù 20:28) Wɔ̃́ e kília wɛ̃́ĩ̀a Wálà a kɛ kɛɛ mia séĩ́ ó kɛ̀ɓe wɔ́lɔ́-wɔ́lɔ́ sɔ̀lɔ̀ ɓo.
Zìhóvà e Zízɛ̀ sí a kɛ Kĩ́ĩ̀ ka kpóṹlà la. Mia wáá wũ doó là vũ̀ yììsɛ wɛ́lɛ́ yììsɛ (144,000) lɛ́ e o wɛ̀lɛ̀ ga kɛ̀lɛ̀ɛ kpóṹlà zeèa, óò lo daà Zízɛ̀ bà lɛ̀i sɛ̀lɛ̀ yi ó dɔ́ e kília ɓo. Zízɛ̀ wà míá o kília o sɛ́lɛ́ líé-sí-mìà kpeĩ lɛ o Wálà là Tò-mia-là káa ka.—Wɛ̀lɛ̀vèlésɔ̃̀ 14:1-3.
Wálà là Tò-mia-là lɛ́ɛ̀ lo kpóṹlà kɛɛ̀ Pálédáà ka. Gèlè, e bɛ̀i sɔ̃̀ɔ̀ yɔɔ, ɛ̃́ɛ̃́ yà yéĩ̀zɛ̀, e kpɔ́ lɔ̀ɔ̀ɔ dò nɔ́ɔ fé lɛ̀ɛ́ ló gbaa kɛɛ̀ ɓe. Mia gé lɛ́ɛ̀ ló líì kpó-kpó ɓo.—2 Pílɛ̀ 3:13