CIPANDWA 8
Uzye Imfwa Yakwe Yesu Ingamwazwa Uli?
Yesu wafwile kuti swe yantu tuye nu umi. Yoane 3:16
Lino papisile amanda yatatu kufuma pano Yesu wafwilile, anaci yamwi yaile ukwi lindi lyakwe, iyazana asimo. Yeova watutulwile Yesu ku yafwe.
Insita yuze, Yesu waloliike ku yatumwa yakwe.
Fwandi icumi cumi, Yeova watutulwile Yesu ku umi aya nu muntu wa mupasi uwa maka, nupya aatange afwe. Asambi yakwe Yesu yamuweni lino wayanga ukwi yulu.
Leza watutulwile Yesu nu kumupeela Ukateka uwa Wene Wakwe Leza. Danieli 7:13, 14
Yesu watuuzile uumi wakwe kuti akulule antu. (Mateo 20:28) Cii, icingalenga kuti Leza apeele swe yantu uumi wa pe.
Yeova wasolwile Yesu ukuya Kateka wa nsi. Alateka pamwi na antu acumi 144,000 yano yakafuma muno nsi nu kututulukila ukwi yulu. Yesu na ya 144,000 ali yano yaya mu uteko uwololoke uwaya umwi yulu—kuli kuti Uwene Wakwe Leza.—Umbwilo 14:1-3.
Uwene wakwe Leza ulasenula insi ukuya paladaise. Inkondo, upondo, upina ni nzala vilasila. Antu yalaya ni nsansa zya cumi.—Masamu 145:16.
Limwi Mungatemwa Ukulolako na Vii
MASAMBILILO AA MULI BAIBO AACINDAME
U Mulandu ci Uno Yesu Wafwilile?
Baibo ikalanda sana pa mfwa yakwe Yesu ukuti yali icindame. Uzye imfwa yakwe yalondekwanga?
CIUSYO
Mwaiusya Imfwa Yakwe Yesu
Tukumwama mukwai ukuti mukize mukalongane naswe ku Ciusyo cii icicindame cuze. Mulasambilila vino umi wakwe Yesu ni mfwa yakwe vingamwavwa.
MABUKU NU TUMABUKU TUNONO
Uzye I Cisinka Ukuti Afwe Yalaya Aumi Nupya?
Uzye muntu umwi wino mwatemilwe sana wafwa? Amalayo yano yaya muli Baibolo yangamwazwa.
