যীশুনা শিখ্রবা মতুং নুমিৎ হুম্নি লৈরগা নুপি খরনা মহাক্কী মোঙফমদা চৎলুবদা ইহাঙ হাঙনা লৈবা থেংনখি। যেহোবানা যীশুবু শিরুবদগী হিঙ্গৎহন্বিখ্রে।

তুংদা যীশুনা মহাক্কী সেবোকশিংগী মাংদা থোরকখিরম্মী।

হোয়, যেহোবানা যীশুবু শক্তি লৈবা, শিনাইদবা আত্মাগী জীব অমা ওইনা হিঙ্গৎহন্বিখ্রে। যীশুগী সেবোকশিংনা মহাক স্বর্গ তম্না চৎখিবা উহৌই।

যীশুনা মহাক্কী পুন্সিবু মীওইবা জাতিগী থাদোকমল পীননবগীদমক কৎথোকখি। (মাত্থি ২০:২৮) থাদোকমল অদুগী মপান্না ঈশ্বরনা ঐখোয়বু লোইখম নাইদনা হিংজবা য়াবা হায়বদু ওইথোকহল্লি।

যেহোবানা যীশুবু পৃথিবী অসিগী মথক্তা নিংথৌ ওইনা শাসন তৌননবা খন্বি। মহাক্কা লোইননা পৃথিবীদগী স্বর্গগী পুন্সিদা হিঙ্গৎহন্বিখ্রবা থাজবা য়াবা মীওই ১,৪৪,০০০সু য়াওগনি। যীশু অমসুং ১,৪৪,০০০ অদুনা ঈশ্বরগী নিংথৌ লৈবাক হায়না কৌবা ধর্ম্মচেন্বা স্বর্গগী সরকার অদু শেম্মী।—ফোংদোকপিবা ১৪:১-৩.

ঈশ্বরগী নিংথৌ লৈবাক্না পৃথিবী অসি পারাদাইস ওইহনগনি। লান, মীহাৎ মীপুন, লাইরবা অমসুং চাবা থকপা ফংদবা মখা তানা লৈররোই। মীয়ামশিংনা তেশেংনমক নুংঙাইবা হায়বদু ওইগনি।—থাগৎ ঈশৈ ১৪৫:১৬.