ICIPANDWA 8
Uzye Imfwa Yakwe Yesu Ikasula Cani kwe Wewe?
E Yesu wafwile pa kuti tuwe nu wumi. Yohani 3:16
Pa nsizi ya manda yatatu po Yesu wafwile, awanaci waile mu kulola mu nkungwe awazana musi. E Yehova wazyulupuzile e Yesu.
E Yesu wizile aloleka ku wasambilizi wakwe.
Nakauzyenye, e Yehova wazyulupuzile e Yesu ukuwa amungeli wa maka wino atanga afwe. Awasambilizi wakwe wamuweni pano wayanga kwi yulu.
E Leza Wayulupuzile e Yesu nu kumuwika pa Wufumu wakwe. Daniel 7:13, 14
E Yesu watayile uwumi wakwe ukuti apususye awavule. (Mateyu 20:28) Pa mulandu wa kuti e Yesu watayile uwumi, e Leza walenga ukuti twize twikale ku ciyayaya.
E Yehova wasozile Yesu ukuwa Imfumu iya kuteka insi. Aliwateka na wa 144,000 awalungamane wano walizyulupucila ku pela. E Yesu na wa 144,000 wapanga uwuteko uwulungamane mwi yulu, akuli ukuti Uwufumu Wakwe Leza.—Ukuwumbulika 14:1-3.
Uwufumu Wakwe Leza wulilenga insi yonsi ukuwa paradaise. Inkondo, uwupondo, uwuyinvi, ni nzala vilisila. Awantu walisecelela nkaninye.—Amalumbo 145:16.
Mungakunda na vyoo
AMASAMBILIZYO YA MU BAIBOLO AMACINDAME
Acani Cino Yesu Wafwizile?
Mufwile mwivwa ukuti wafwizile pa mulandu wa luwembu lwitu. Nomba uzye imfwa ya muntu wenganye ayino yingalenga imintapendwa ya wantu ukunoncelamo?
ICIZUSYO
Ukwizucizya Imfwa ya kwe Yesu
Tukumiita mukwai pe ko-o ukulongana ukucindame nkaninye. Muliyiza musambilile vino imfwa ya kwe Yesu ingamyavwa.
AMABUKU NA MA BROSHUWA
Uzye Awafwe Walizyulupuka?
Uzye walovyapo umukundwe? Vino Baibolo walaya vingakuwomelezya.
