DIVI 8
Rufu hwa Jesu Hwunonangenyi Kwamuri?
Tingakwanisa kurarama no kucingaperi ngokuti Jesu wakatifira. Johani 3:16
Pakupera ko mazuva matatu Jesu naafa, vanakaji vamweni vakaenda kovona guva rake asi vakarikhanda rakashama. Jehovha wainga amusa Jesu mu vakafa.
Perapo Jesu wakabudira vajiji vake.
Zvokadi kamare, Jehovha wainga amusa Jesu inga ciruhwa co kumujimu cinosimba, cicikafi. Vateveri va Jesu vakamuvona ecikhwira mugore.
Mwari wakamusa Jesu zve wakamuita Mambo wo Umambo hwake. Danieli 7:13, 14
Jesu wakaramba upenyu hwake kuti aripire vandhu vazinji inga ciriphwa. (Mateu 20:28) Ngo ciriphwa ici Mwari wakaitisa kuti tikwanise kurarama no kucingaperi.
Jehovha wakagaja Jesu inga Mambo kuti atonge pasi pese. Iyena anozotonga pamwepo no vandhu 144. 000 vakagondeka avo vanozomuswa kuvha pasi pano kuti vararame mugore. Jesu no 144. 000 vanoumba utongi hwakarungama—Umambo hwa Mwari.—Apokalipsi (Cakapangijihwa) 14:1-3.
Umambo hwa Mwari hunozoita pasi pano paradhesi. Hondo, ugevenga, urombo zve njara azvicazowanikizve. Vandhu vanozodakarisisa.—Nduyo 145:16.
Zvimweni Zvamungadakarira nga Izvi:
ESSENTIAL BIBLE TEACHINGS
Ngenyi Jesu Wakafa?
Bhaibheri rinokhombija kuti rufu wa Jesu unosisira maningi. Asi rufu hwake hwainga no cinangwa?
CIRANGARIJO
Kuceukija Kufa ka Jesu
Ngo mudakaro wese tiri kumukoka kuti muzovavo pamwepo nesu pa kucerekeja rufu hwa Jesu inga zvaakananga. Munozojija kuti upenyu no rufu hwa Jesu ungamubeseresa kudini pacenyu.
MABHUKU & MABHURUSHURA
Vakafa Vangazoraramazve Kamare Here?
Makatamikihwa ngo ari wese wamunoda here? Zvinogondesa Bhaibheri zvinovangisa zvingamubesera.
