OSHITOPOLWA 8
Eso lyaJesus otali ti shike kungoye?
Jesus okwa si opo tu vule okukala tu na omwenyo. Johannes 3:16
Omasiku gatatu konima yeso lyaJesus, aakiintu yamwe oya li ya yi kombila ye, ihe oya adha yi li owala. Jehova okwa li a yumudha Jesus kuusi.
Lwanima, Jesus okwi ihololele aayapostoli ye.
Jehova okwa li a yumudha Jesus e li oshishitwa shopambepo oshinankondo ihaashi si. Aalongwa yaJesus oya li ye mu mono sho ta londo ta yi megulu.
Kalunga okwa li a yumudha Jesus nokwe mu ningi Omukwaniilwa gwUukwaniilwa we. Daniel 7:13, 14
Jesus okwa gandja omwenyo gwe gu ninge iikulila yaantu. (Mateus 20:28) Okupitila mekuliloyambo ndyoka, Kalunga okwe shi ningi tashi wapa opo tu vule okukala nomwenyo sigo aluhe.
Jehova okwa langeka po Jesus e li Omukwaniilwa a pangele ombanda yevi. Ota ka pangela pamwe naantu aadhiginini ye li 144 000 mboka haya yumudhilwa omwenyo megulu. Jesus naantu mboka 144 000, otaya ka pangela ye li Aakwaniilwa muukwaniilwa waKalunga womegulu.—Ehololo 14:1-3.
Uukwaniilwa waKalunga otawu ka ninga evi oparadisa. Iita, omiyonena, oluhepo nondjala itayi ka kala po we. Aantu otaya ka kala shili ya nyanyukwa.—Episalomi 145:16.
Opu na ishewe uuyelele mbuka
ESSENTIAL BIBLE TEACHINGS
Jesus okwa sile shike?
Ombiimbeli oya popya kombinga yesimano lyeso lyaJesus Kristus. Mbela eso lye otali ti sha ngaa kutse?
OMBIIMBELI OYI NA ETUMWALAKA LINI?
Okudhipagwa kwaJesus Kristus
Jesus okwa dhike po edhimbuluko lini, omanga inaa makelwa e ta alelwa komuti gwomahepeko?
EDHIMBULUKO
Edhimbuluko lyeso lyaJesus
Otatu ku hiya wu ye wu gongale pamwe natse poshiningwanima shika sha simananena. Oto ki ilonga po nkene onkalamwenyo neso lyaJesus otayi vulu oku ku etela uuwanawa.
OMAMBO NUUMBO
Oonakusa otaya ka yumuka ngaa mbela shili?
Mbela owa silwa gumwe ngoka wu hole? Euvaneko ndyoka li li mOmbiimbeli otali vulu oku ku hekeleka.
