NIKUPA 8
Okhwa wa Yesu Onataphulela Eheeni wa Nyuwo?
Yesu aahikhwa wi hiyaano nikhale akumi. Yohane 3:16
Mahiku mararu vaculi va okhwa wa Yesu, athiyana akina yaaheecelela nihiye nawe nave hiyaaphwaannyemo echu. Yehova aamviiha Yesu muukhwani.
Moovira wa elukuluku Yesu aarwa wa arummwa awe.
Aayi, Yehova aamviiha Yesu muukhwani wi akhale ni okumi ntoko yoopatuxiwa yoomunepani yoohikhwa ya kuruxa. Oohuserya a Yesu yaamoona owo arowaaka wirimu.
Muluku aamviiha Yesu muukhwani nave aampaka owo Mwene a Omwene wa Muluku. Daniyeli 7:13, 14
Yesu aaveleela okumi awe wi alivele woopola wa achu a mahimo oothene. (Mateyu 20:28) Moorweela wa woopola iwo, Muluku oheeriha wi hiyaano nikhale okhala wookhala.
Yehova oomuthanla Yesu ntoko Mwene wi alamulele elapo yavathi. Vamoha ni Yesu aakhalavo achu oororomeleya 144,000 yaawo anaviihiwa muukhwani va elapo yavathi wi yakhale wirimu. Yesu ni a 144,000 annapaka epooma ya ekhaikhai ya wirimu—Omwene wa Muluku.—Yawupulula 14:1-3.
Omwene wa Muluku onahaala opaka elapo yavathi okhala paradaiso. Ekhoco, nlala, ohaawa ni etala horwa okhalavo. Achu anahaala okhala oohakalala chiryene.—Salmo 145:16.
Akhweya Tho Mwaahaala Osiveliwa
MAHUSIHERYO OOKHWELEYA A PIIPILIYA
Ntakhara Heeni Yesu Ookhwa?
Akweya moohiiwa wi Yesu okhwile ntakhara soocheka sahu. Nto apwanne mukucho mmoha chiryene onnaakhaviherya achu masana masaneene?
WUUPUWELELA
Wuupuwelela Okhwa wa Yesu
Ninnoowopani wi mukhale ni hiyaano va yaweereya yeela yookhweleya. Munahaala ohuserya mukhalelo okumi ni okhwa wa Yesu oneeraaya wookhaviheryeeni.
ALIIVURU ni IPROXURA
Alipa Ookhwa Anamukookela Okhala Akumi Chiryene?
Moomuyeleela oosiveliwa anyu mookhwani? Yoolaiherya ya Piipiliya enamookhaviheryaani.
