VALA 8
Ko e Heigoa e Kakano he Mate a Iesu ma Haau?
Ne mate a Iesu ke maeke ia tautolu ke momoui. Ioane 3:16
Tolu e aho he mole e mate ha Iesu, ne aahi atu e falu fifine ke he tukuaga haana ti kitia kua gatigati ai. Ne fakaliu tu mai e Iehova a Iesu he mate.
Ne tu atu fakamui a Iesu ke he tau aposetolo haana.
E, ne fakaliu tu mai e Iehova a Iesu ke he moui ko e mena moui fakaagaaga malolō lahi ne nakai mate. Ne kitia he tau tutaki ha Iesu a ia ne hake ke he lagi.
Fakaliu tu mai he Atua a Iesu ti eke mo Patuiki he Kautu he Atua. Tanielu 7:13, 14
Ne foaki e Iesu e moui haana ke totogi aki e lukutoto ma e tau tagata. (Mataio 20:28) Ko e lukutoto ia ati maeke he Atua ke foaki ma tautolu e moui tukulagi.
Ne kotofa e Iehova a Iesu ko e Patuiki ke pule ke he lalolagi oti. To ha ha mo ia e 144,000 he tau tagata fakamooli ne fakaliu tu mai he lalolagi ke momoui he lagi. Ko Iesu mo e 144,000 ne fakatū e fakatufono tututonu he lagi—ko e Kautu he Atua.—Fakakiteaga 14:1-3.
Ko e Kautu he Atua ka taute e lalolagi mo parataiso. To nakai liu fai felakutaki, kolokolovao, mativa, mo e hoge. Ko e tau tagata to fiafia mooli.—Salamo 145:16.
Liga Manako Foki a Koe
TAU FAKAAKOAGA AOGA HE TOHI TAPU
Ko e Ha ne Mate a Iesu?
Liga logona e koe kua mate a ia ma e tau agahala ha tautolu. Ka e maeke mooli kia e taha e poa ke aoga e tau tagata tokologa?
FAKAMANATUAGA
Manatu e Matulei ha Iesu
Uiina fakamafana atu a koe ke fakalataha mai mo mautolu ke he toloaga uho nei. To ako e koe e puhala ka aoga e moui mo e mate ha Iesu ki a koe.
TAU TOHI & TAU POROSUA
Maeke Mooli Kia a Lautolu ne Mamate ke Liu Momoui?
Fai fakahele nakai a koe kua mate? To lagomatai he maveheaga mafanatia he Tohi Tapu a koe.
