EKIHANDE 8
Oluholo lwa Yesu luli na mughaso wahi okw’iwe?
Yesu mwahola thuthoke eribana engebe. Yoane 3:16
Habere halaba ebiro bisathu, abakali baghuma mubahika okw’isinda lya Yesu, neryo mubath’eyamo kindu. Yehova abya inyabirilubukya Yesu.
Enyuma syaho Yesu mwabuthukira abakwenda biwe.
Inga, Yehova mwalubukya Yesu m’omundu w’obuthoki, ekihangikwa mulimu ekithekyangahola. Abigha ba Yesu mubamulangira akay’elubula.
OMungu mwalubukya Yesu, neryo mwamuyira m’oMwami w’oBwami b’oMungu. Daniele 7:13, 14
Yesu mwaherera engebe yiwe athoke eriliha embanulo busana n’abandu bosi. (Matayo 20:28) Omwilabira omo mbanulo eyi, oMungu mwathuha enzira y’eribana engebe y’erikotha.
Yehova mwasingya Yesu m’oMwami athoke erithabala oko kihugho. Akasyathabala n’abandu abathereghula 144 000, abakendisyalubukibwa erilwa oko kihugho bathoke eribana engebe y’elubula. Yesu haghuma n’abandu 144 000 bo bakendisyathabala omo buthabali by’elubula obuthunganene—Obwami b’oMungu—Eribisulirwa 14:1-3.
OBwami b’oMungu bukasyayira ekihugho mo paradiso. Amalwa, obusindwa, obwera, n’enzala bikendisyahwa. Kwenene abandu bakendisyabana obutseme.—Esyonyimbo 145:16.
Langira na bino
ESSENTIAL BIBLE TEACHINGS
Busanaki Yesu mwahola?
Kwa muhwa wabiriminya ngoko mwahola busana n’amalolo wetu. Nikwa omundu mughuma eriherera engebe yiwe lyanganawatikya amamilioni w’abandu?
ERYIBUKA
Eryibuka oluholo lwa Yesu
Twamakukokya n’obutseme eribya haghuma netu tukibuka oluholo lwa Yesu erikwamana ngoko abugha. Wighe ngoko engebe n’oluholo lwa Yesu byanganakuletera endundi.
EBITABU N’EHITABU
Kwenene Abaholi Banamwendisyalubuka?
Wanabiriholerwa n’omundu oyo wabya wanzire? Eby’ebiblia ikavugha byangana kusubya omuthima w’omonda.
