Matšatši a mararo ka morago ga ge Jesu a hwile, basadi ba bangwe ba ile ba etela lebitleng la gagwe gomme ba hwetša le se na selo. Jehofa o be a tsošitše Jesu bahung.

Ka morago Jesu o ile a iponagatša go baapostola ba gagwe.

Ee, Jehofa o be a tsošeditše Jesu bophelong e le sebopiwa se matla sa moya le seo se sa hwego. Barutiwa ba Jesu ba ile ba mmona a rotogela legodimong.

Jesu o ile a gafa bophelo bja gagwe gore a lefe topollo bakeng sa batho. (Mateo 20:28) Ka yona topollo yeo, Modimo o dira gore re kgone go phela ka mo go sa felego.

Jehofa o kgethile Jesu e le Kgoši gore a buše godimo ga lefase. Jesu o tla ba le batho ba botegago ba 144 000 bao ba tsošeditšwego bophelong bja legodimong ba etšwa mo lefaseng. Jesu le ba 144 000 ba bopa pušo ya go loka ya legodimong​—Mmušo wa Modimo.​—Kutollo 14:1-3.

Mmušo wa Modimo o tla fetoša lefase gore e be paradeise. Ntwa, bošoro, bodiidi le tlala di ka se sa ba gona. Batho ba tla thaba e le ka kgonthe.​—Psalme 145:16.