PART 8
Jesus Beʼiinaʼ Ninéidiníʼánígíí Haash Yit’éego Nihíká Adoolwoł?
Hoolʼáágóó dahiiniiʼnáa dooleeł biniyé Jesus beʼiinaʼ nihá ninéidiníʼą́. John 3:16
Jesus ájídin dóó tááʼ yiską́ągo sáanii łaʼ jishchááʼ bá tsénííʼootséél góneʼ ahoʼdooltínę́ęgi dadééʼı̨́ı̨́ʼ, ńtʼééʼ Jesus bitsʼíís yę́ę ádin. Jiihóvah éí Jesus daaztsą́ą́dę́ę́ʼ nínéidiisáálá.
Áádóó Jesus díí hándaalʼaʼí bił tázhdííkai yę́ę baazhníyá.
Jiihóvah éí Jesus ayóí átʼéego níłchʼi nilı̨́įgo tsʼídá doo danáazhdootsaałgo néidiisá. Jesus bídahoołʼaahii yę́ę yáʼąąshgóó binááł ajííyá.
God éí Jesus néidiisá, áko God biNahatʼaʼ biiʼdóó Naatʼáanii jílı̨́į doo biniyé haidiníʼą́. Daniel 7:13, 14
Jesus bílaʼashdlaʼii yikʼeh nináʼdoodlééł biniyé beʼiinaʼ ninéidiníʼą́. (Matthew 20:28) Áko díí nihá nináʼályáhígíí binahjįʼ hoolʼáágóó iiná doo ninítʼiʼii God nihá bohónéedzą́ągo áyiilaa.
Jiihóvah éí Jesus Naatʼáanii jidooleeł biniyé hakʼidiilniiʼ, áko nahasdzáán bikʼih hajooʼáał doo biniyé. Díí 144,000 ánéelą́ągo bílaʼashdlaʼii dahodísinígíí nahasdzáán bikááʼdóó yáʼąąshgóó náábiʼdiiljééʼ. Áko Jesus yił yáʼąąshdę́ę́ʼ yáʼátʼéehgo nahatʼá nideizʼą́—God biNahatʼaʼ.—Revelation 14:1-3.
God biNahatʼa’ éí nahasdzáán ayóí áhonóolingo íidoolííł. Anaaʼ, téʼéʼı̨́, hodichin, dóó doo tsʼíí ádahootʼéhígíí ałtso bił yóó ahodoogááł, áadi índa bílaʼashdlaʼii yéigo bił dahózhǫ́ǫ doo.—Psalm 145:16.
You May Also Like
ESSENTIAL BIBLE TEACHINGS
Haʼátʼíishąʼ Biniyé Jesus Daaztsą́?
Diné léiʼ nidaʼiyiilzíhígíí biniinaa nihá daaztsáago shı̨́ı̨́ baa hosidínítsʼą́ą́ʼ. Ákondi tʼáá łáʼí diné iiná nihá nináʼádeetʼánígíí éísh tʼóó ahayóí diné bíká adoolwoł?
DIYIN BIZAAD—HAʼÁTʼÍÍSH BIIʼ BAA HANEʼ?
Jesus Christ éí Biʼdiisyı̨́
Jesus tʼah doo hweʼanaʼí bichʼįʼ kóhoʼdiilnééhgóó, dóó tʼah doo tsin bąąhjįʼ hoł eʼelkaałí haʼátʼíí ééhániih ániidíii hayííłwod?
ÉÉHÁNIIH
Jesus Nihá Ádinígíí Béédeilniih Doo
Díí ílı̨́įgo áłah áleehígíí biniyé nihił honílǫ́ǫ doo daniidzin. Ákweʼé, Jesus beʼiinaʼ áyiilaaígíí dóó nihá ádinígíí haitʼéego níká adoolwołígíí nił bééhodoozįįł.
NAALTSOOS
Daneeznánígíísh Tʼááʼaanii Iiná Baa Nídadoolyéełgo Átʼé?
Łaʼísh kʼé bił ahidíʼnínę́ę nitsʼą́ą́ʼ ádin silı̨́ı̨́ʼ? Diyin God Bizaad éí haʼíínílníigo ánidoolííł. ahóní yee níká adoolwoł.
