OBỌRẸ 8
Me Ọyẹ Uhwu i Jesu Omevi Rhọ Ha Wẹn?
Jesu ohwuru nẹ ọwan e sabu vwẹ arhọ. Jọn 3:16
Ẹdẹ-ọke esa i Jesu ohwu hin, emẹse ezẹko i riẹ ekete re sinrien rhọ ne mẹrẹn usin ofefe. Jehova ọrhọmẹ i Jesu nẹ uhwu ne.
Ọke ro ru, Jesu nọ homa rhẹrhẹn inyikọ ye.
Itiorẹ-urhomẹmro, Jehova ọrhọmẹ i Jesu mo rhiẹ ohworho ẹhẹn ro vwo hwuẹ, ro vwẹ omẹgbanhon. Idibo i Jesu e mẹreriẹn ro riẹ odjuwu.
Osolobrugwẹ ọrhomẹ i Jesu nẹ uhwu, nọ hariẹ mwu rhẹ ẹrhẹ orodje Uvie yi. Daniẹl 7:13, 14
Jesu otiobọ nẹ arhọ ye ha tẹn emọ ituakpọ. (Matiu 20:28) No mẹ otan na rhe, ọyẹ Osolobrugwẹ oruie nẹ ọwan e sabu nyerẹn bẹmẹdẹ.
Jehova ọhẹ i Jesu mwu rhẹ ẹrhẹ orodje ro no suẹn akpọ na. Ọye rhẹ 144,000 ihworho ri vwẹ esegburhomẹmro ra rhọmọ nẹ otọrakpọ na riẹ odjuwu, yi ne gbe sun. Jesu rhẹ 144,000 na ayẹ irodje ine suẹn usuon ọfuanfo ọrẹ odjuwu, ro rhiẹ, Uvie Osolobrugwẹ.—Oghwolophia 14:1-3.
Uvie Osolobrugwẹ ọnọ ghwẹriẹ akpọ na rhẹ Paradais. Uvweri, irhi-egbegwu, ogbere, rhẹ orhọmo irhe rhirhiẹ ye ghwomara-an. Oma nẹ ọnọ ghini merhẹn ihworho.—Ijoro-Ujiri 145:16.
You May Also Like
ESSENTIAL BIBLE TEACHINGS
Mesoriẹ i Jesu o Hwu?
Baibol na ọ dabu hunute ọghanromẹ uhwu i Jesu. O vwo oborẹ ọsoriẹ o hwu?
ẸKARORHỌ
Karorhọ Uhwu i Jesu
Ame i ha use wẹn ne wu me lele ame ruẹ irueruo ọghoghanren ọnana. Wu ne yono kpahen oborẹ akpenyerẹn ọrhẹ uhwu i Jesu ono ru rhua erere vwo.
ẸBE EDUADO ỌRHẸ I BROSHỌ
Eri Hwuru na Ine Ghini Sabu Rharhumu Nyerẹn?
Ohworho wu vwo ẹguọlọ kpahen o hwu jovwo dẹ ne? Urhebro i Baibol na ọnọ sabu ha userhumu wẹn.
