RÄ NTHEKE 8
¿Te mä ñho dä za gi hñäni ko näꞌä rä du rä Hesu?
Rä Hesu bi du pa dä za gä pe̱ꞌtsihu̱ nꞌa rä te pa nzäntho (Juan 3:16)
Mi o̱tꞌe hñupa de nuꞌmu̱ xki du rä Hesu, bi ma rꞌa yä ꞌme̱hñä bä handi habu̱ xki ntꞌagi, pe ya hinte bi dini. Rä Zi Dada Jeoba ya xki gu̱tsꞌi rä Hesu de rä du.
Mꞌe̱fa, rä Hesu bi ñꞌudi ko yä apostol pa bi ñäui.
Jeoba ya xki gu̱tsꞌi rä Hesu ngu nꞌa rä e̱nxe̱. Yä apostol bi hyandi nuꞌmu̱ rä Hesu bi mengi ha mähetsꞌi. Nubye̱, rä Hesu pe̱ꞌtsi ndunthi rä tsꞌe̱di ꞌne nunka ma dä du.
Jeoba bi gu̱tsꞌi rä Hesu de rä du ꞌne bi hñutsꞌi de gä ndä ha rä Tsꞌu̱tꞌhui (Daniel 7:13, 14)
Rä Hesu bi uni rä te pa bi gutꞌi nuꞌu̱ yä tsꞌoki yä jäꞌi (Mateo 20:28). Po näꞌä rä njutꞌi bi uni rä Hesu, Äjuä ma dä rꞌakägihu̱ nꞌa rä te pa nzäntho.
Jeoba bi huahni rä Hesu pa dä ndä ꞌne dä mända ha rä Xiꞌmhai. ꞌMu̱i mä 144,000 yä jäꞌi nuꞌu̱ xä yꞌo̱te Äjuä. Jeoba, ju̱tsꞌi nuyu̱ yä jäꞌi de rä du pa dä ma ha mähetsꞌi ꞌne dä mända ko rä Hesu ha rä Tsꞌu̱tꞌhui Äjuä (Apocalipsis [Revelación] 14:1-3).
Rä Tsꞌu̱tꞌhui Äjuä ma dä hyoki de rä Xiꞌmhai nꞌa rä uädri. Ma dä mꞌe̱di yä tuhni, yä bo̱ka, yä be, yä thuhu, ꞌne ya hindä ñhoya yä jäꞌi. Yä jäꞌi ma dä mꞌu̱i ko ndunthi rä johya (Salmo 145:16).
Puede que también le interese
ESSENTIAL BIBLE TEACHINGS
¿Por hanja bi du rä Hesu?
Rä Mäkä Tꞌofo umbäbi ndunthi rä muui rä du rä Hesu. Pe, ¿di benefisiagihu̱ näꞌä rä te bi uni?
RÄ MÄKÄ TꞌOFO—¿TE MÄ NOYA HUTSꞌI?
Rä du rä Kristo
Rä Hesu bi ja nꞌa rä rꞌayꞌo fenäte, bri traisionä ꞌnepu̱ bi tꞌumbäbi rä di ha nꞌa rä zaa.
RÄ FENÄTE
Rä Fenäte de rä du rä Hesu
Di mbitaꞌihe gi ntini kongekhe ha nunä pa xa mähyoni. Ma gi pädi hanja näꞌä rä te ꞌne rä du rä Hesu, xa ja ndunthi rä muui ꞌne te mä jäpi dä za gi hñäni.
YÄ MFISTꞌOFO ꞌNE YÄ FOYETO
¿Dä za dä nuhu mänꞌaki nuꞌu̱ yä jäꞌi xä du?
¿Xi nuꞌi xkä ꞌme̱di ha rä du nꞌa rä jäꞌi näꞌä ngi mädi? Näꞌä promesa uni rä Mäkä Tꞌofo dä za dä hñupꞌä ri mu̱i.
