XE̱KI 8
¿ʼBe̱ʼä ma nho da za̱ ga hänhmu̱ ge bi üni rá te Jesús?
Jesús bi dü pa da za̱ ga mʼbu̱hmu̱ mazäi (Juan 20:31)
Nuʼbu̱ mi thogi hñu pa ge xi dü Jesús, ʼda ya bo̱mbe bi ba bu̱ hapu̱ xi ʼta̱gi, pe̱ ya hinmi obu̱ Jesús. Jeoba ya xi xotsi.
ʼMe̱fa Jesús bi nʼyüdi pa di ñaui ko ya apóstol.
Ojä himbi ünnä Jesús ʼna ra jäʼi tengü ʼna nʼyohu̱. Bi ünnä ʼna te tengü ya anxe̱ ge hingi tsa̱ ga nuhu̱. Nuʼu̱ mi te̱nni bi hyandi nuʼbu̱ mi mba mahëʼtsi. Nuya Jesús ʼna ra anxe̱ ge eme ja na ʼtse̱di ʼne njamʼbu̱ da dü.
Ojä bi xoxä Jesús ʼne bi ʼñetsi pa di manda nubu̱ ra ʼTsu̱ʼtabi Ojä (Daniel 7:13, 14)
Jesús bi üni rá te pa da güʼti ma ʼtsokihu̱ ʼne da ñanju̱ ge ra dü (Mateo 20:28). Jamädi nangeʼä, Ojä da za̱ da ʼdakju̱ te mazäi.
Jeoba bi huanhna Jesús pa da manda ra Ha̱i ʼne da ze̱di 144,000 ya jäʼi ge bi ʼyo̱de ä Ojä. Nuʼbu̱ bi düʼu̱ da ba ma xotsi pa da ba mahëʼtsi. Nuʼu̱ ʼne Jesús da manda juäntho, nubu̱ ra ʼTsu̱ʼtabi Ojä (Apocalipsis 14:1-3).
Ra ʼTsu̱ʼtabi Ojä da hoki ra Ha̱i pa da gohi ʼna nhuädo̱ni. Hindä nja ya dätsu̱i, ya dondo, ra nhyoya ʼne ra thuhü. Eme da njohya ya jäʼi (Salmo 145:16).
Puede que también le interese
ESSENTIAL BIBLE TEACHINGS
¿Hanja bi dü ä Jesús?
Dä za̱tho xkä ʼyo̱de ge nuʼä Jesús bi dü nangeʼu̱ ma ʼtsokihu̱. Pe̱ ¿ʼbe̱pu̱ ni nsa̱ ge nuʼä na te ʼna nʼyohu̱ dä ñani miyonetho yu̱ jäʼi?
MBËNHMU̱ NUʼBU̱ MI DÜ JESÚS
Gä mbënhmu̱ nuʼbu̱ mi dü Jesús
Di inbitaʼähe gi hyu̱nje nunä ra pa eme jaʼtse̱di. Gi pädi ʼbe̱ʼä ma nho gi hyäni nangeʼä rá te ʼne rá ndäte Jesús.
YA LIBRO ʼNE YA FOYETO
¿Ha dä za̱ di mʼbu̱i maho̱nʼä nuʼu̱ xi ndü?
¿Ha bi dü ʼna ni familia? Nuʼä bä ʼyëpu̱ Biblia dä hyüʼtä ni mu̱i.
