Rä Hesu bi du, bi thogi hñuhpa nihi meefa rä yä ʼbehñä bi mä honihu̱ ha kʼa oʼhki habu̱ xka kjooti pe ya hin mbra o. Jehová pi xka koʼtsibi ro nzahki.

Meefa ku̱ yä ntsitsʼi, yä apóstol, bi zo bi handihu̱ rä Hesu.

Mu̱ bi thsoʼtsi rä Hesu de rä du, hin bi nkja nʼa rä ño̱ho̱. Rä Tsi Dada pi bi koʼtsibi ro nzahki pa di mä ʼbu̱i a hitsʼi. Ku̱ teenite rä Hesu bi zo bi handihu̱ mu̱ nga bo̱tse amäña hitsʼi. Nuya i ʼbu̱i ha nu hitsʼi nihi i ndo̱ peetsi rä tseedi nihi ya hin da du.

Rä Hesu bi uni ro nzahki pa da gu̱tsʼi nu tsʼohki nihi rä du de yä kjäʼni (Mateo 20:28). Nsohtho rä Tsi Dada da zo da rahkihu̱ kʼa nzahki pa zäi.

Jehová bi huahni rä Hesu pa da mända nu Ximojoi. Pe hin da mu̱htse, nge da mu̱i ko 144.000 ya kjäʼni i ndo̱ yʼo̱htehu̱ rä Tsi Dada. Nuya kjäʼni mu̱ da thsoʼtsihu̱ de rä du da ma mu̱fu̱ a hitsʼi pa da mända ko rä Hesu. Gegehu̱ da mändahu̱ ra ndo̱ zo. Gehna rä Reino rä Tsi Dada (Revelación [Apocalipsis] 14:1-3).

Nu kʼa Reino da yo̱te rä chala joi nugua ha gotho nu Ximojoi. Yä kjäʼni hin da mpoʼtitehu̱, gotho da peetsihu̱ te da zihu̱ nihi gotho kʼa i honihu̱. Gegehu̱ da ma ndo̱ mpohmu̱ (Salmo 145:16).