Huäbodäcuä mo̧ro̧ ʼcuäopinaʼa Jesús ʼcorupäʼiʼäji oʼcaʼamä. Jahuätö nä̧tö̧ ʼchä̧hui̧ʼi̧nä̧tö̧ huaʼare huattome ya̧tȩʼi̧nä̧ toiʼönä. Jeohua ttoʼädaʼattö Jesúsru.

Ja̧u̧nu̧ oʼcaʼa, Jesús i̧jȩcui̧nö̧ ahuaruhuä, apóstolesrö.

Jesús ttoʼä̧cho̧cö̧ pi̧nö̧ idepä jä̧ʼi̧nö̧ʼa̧nö̧. Dios ttoʼädinäcu espíritu ju̧ru̧huä̧nä̧. Jitämä yoröiso ʼcorujuoächocö. Umöhuäyotö to̧ttä̧ra̧ʼa̧nä̧ mo̧ro̧jä̧ra̧ʼa̧ cäʼecuächinö Jesúsmä.

Jesúsmä ʼcorujuoächinö, oʼca toiʼönä suronä tu̧ju̧nä̧rö̧ jȩpö̧ icua päʼö, ʼcorupäiʼäcuähuäʼinä (Mateo 20:28). Ja̧ʼhua̧nö̧ ja̧ʼa̧ttö̧, Dios iyaʼanö ja̧ʼa̧ ujuturu ʼcuäopönä mo̧ro̧ tö̧jö̧nä̧.

Jeohuamä ȩmi̧nö̧ Jesúsru hueʼä päʼö rȩjȩra̧ʼa̧ mo̧ro̧jä̧ra̧ʼa̧ttö̧. Ja̧ʼhua̧nö̧ ja̧ʼa̧nä̧, katämä huȩʼi̧ya̧cua̧. Ja̧u̧cu̧mä̧ ttö̧ja̧cuä̧cuo̧tö̧ 144.000nö esetätötä. Jahuätö ttö̧ja̧cuä̧cuo̧tö̧ mo̧ro̧jä̧ra̧ʼa̧ ttottächiʼomenä. Pi̧yȩmä̧ Dios Uruhuo (Apocalipsis 14:1-3).

Dios Uruhuo pärotö i̧cuä̧cua̧ pi̧jä̧ oʼca juiyönä rȩjȩ adiu a̧ʼcua̧cu̧nä̧. Curä juiyäcuaʼa, ttö̧ja̧ suropätö, usurä isotö toʼäcua. Cuäcuähuä rö̧ȩnä̧ kä̧cua̧ʼa̧. Ttö̧ja̧ rö̧ȩnä̧ eseu ttö̧ja̧cuä̧cuo̧tö̧ (2 Pedro 3:13).