Chi riij i rukimik i Jesús, pan roox qʼiij wilik taqeh ixoq xiponik ahaʼ wiiʼ xkimuqʼaʼ eh maʼxta naq chik i Jesús chupaam. Reʼ Jehová ruksam naq chik.

Chi riij i reʼ, reʼ Jesús xukʼuhtaaj riibʼ keh taqeh i ruʼapóstol.

Reʼ Dios xuksaj i Jesús pan uxlabʼal, jeʼ rukabʼ taqeh ángel. Reʼ taqeh rajtahqaneel xkilow noq xjohtik pan taxaaj. Yuʼnaak jenaj uxlabʼal wilik rajaawriik eh maʼ jaruj narukimik.

Reʼ Jesús xuyeew i rukʼachariik reh qakoʼljiik chuwach i mahk eh i kimik (Mateo 20:28). Ruum i wilih, reʼ Dios ne rubʼan chi ne ruyeew qeh i junelik kʼachariik.

Reʼ Jehová xuchih wach i Jesús reh chi ne intaqʼanik naah akʼal, xa reʼ laʼ, maʼ rutkeel ta narubʼanam i taqʼanik. Ruukʼ i reh nakiwihʼik 144.000 chi ajnimaneel nakitaqʼanik ruukʼ pan taxaaj. Reʼ taqʼanik wilih reʼ runimaal Rajaawriik i Jehová (Apocalipsis 14:1-3).

Reʼ Rajaawriik i Dios narubʼanam chi chuʼnchel i wach akʼal ne inkahnik chi jenaj holohik laj yeʼaabʼ. Maʼ na ta chik ruwihʼik puhbʼanik, kansanik eh nebʼaʼil. Chuʼnchel naruwihʼik kiwaʼ kihaʼ; chikunchelaal nakiwihʼik pan suqkiil kʼuxliis (Salmo 145:16).