8 YACHAQANA
¿Imaraykutaj Jesús wañorqa?
Jesusqa kausayninta qorqa wiñaypaj kausananchejpaj (Juan 3:16)
Jesús wañuchisqa kasqanmanta kinsa pʼunchayninman, pʼampasqa kasharqa chayman wakin warmis rerqanku, chʼusajtataj tariparqanku. Jehová Dios Jesusta kausarichisqa.
Chantá Jesusqa apostolesninman rikhurerqa.
Arí, Jehová Diosqa Jesusta atiyniyoj angelta jina kausaricherqa. Jesustaj manaña jaykʼajpis wañonqachu. Yachachisqasnintaj payta cieloman ripojta rikorqanku.
Diosqa Jesusta kausaricherqa, Gobiernonpi presidente jina kananpajtaj churarqa (Daniel 7:13, 14)
Jesusqa kausayninta qorqa runasta juchamanta, wañuymantawan kacharichinawanchejpaj (Mateo 20:28). Chayrayku Dios wiñay kausayta qoyta atiwanchej.
Jehová Diosqa Jesusta churarqa kay jallpʼata gobernananpaj. Paywantaj 144.000 runas gobernamonqanku. Chay runasqa kausarichisqa kanqanku cielopi kausanankupaj. Jesuswan 144.000 kajkunawanqa Diospa Gobiernonpi reyes kanqanku (Apocalipsis 14:1-3).
Diospa Gobiernonqa kay jallpʼata uj paraisoman tukuchenqa. Manañataj kanqachu guerras, suwas, wajchayay, yarqhay ima. Runasqa kusisqa kausakonqanku (Salmo 145:16).
Kaykunatapis qhawaykurillawajtaj
BIBLIAMANTA SUMAJ YACHACHIYKUNA
¿Imapajtaj Jesús wañorqa?
Ichapis yachankiña Jesús juchasninchejrayku wañusqanta. Jinapis, ¿imaynatá uj runaj wañuynillan may chhika runasta yanapanman?
JESUSPA WAÑUYNINTA YUYARINAPAJ TANTAKUY
Jesuspa wañuyninta yuyarina
Jesús kamachisqanman jina, wañuyninta yuyarikunapaj wajyariyku. Chaypitaj yachakunki imaynatachus Jesuspa kausaynin, wañuynin ima yanapawasqanchejta.
LIBROS, FOLLETOS
¿Wañusqas kausarimuyta atinkumanchu?
¿Pinillaykipis wañuporqachu? Bibliaj nisqanqa sonqochasunkiman.
