8 YACHACHIKUY
¿Imaraykun Jesús wañurqan?
Jesusqa wañurqan wiñay kausayta chaskinanchispaqmi (Juan 3:16).
Jesuspa wañusqanmanta kinsa p’unchay kashaqtinmi wakin warmikunaqa maypichus p’ampasqa kasharqan chayman rirqanku, ichaqa manan cuerpontaqa tarirqankuchu. Jehová Diosmi paytaqa kausarichipusqa.
Chaymantan Jesusqa amigonkunaman rijurirqan.
Payqa manan aycha cuerpoyoqchu kausarirqan, aswanmi espíritu cuerpoyoq, Diosmi paymanqa chay cuerpota qorqan. Qatikuqnin runakunaq rikushasqanmi payqa janaq pachaman ripurqan. Kunanqa atiyniyoq angelmi payqa kapun, manan jayk’aqpas wañunqachu.
Diosmi Jesustaqa kausarichirqan, jinaspa gobiernonpi rey kananpaq churarqan (Daniel 7:13, 14).
Jesusqa juchamanta wañuymantawan kacharichiwananchispaqmi vidanta qorqan (Mateo 20:28). Jesús chayta ruwasqanraykun Diosqa wiñay kausay chaskinanchista munashan.
Jehová Diosmi Jesusta ajllarqan kay pachata gobiernamunanpaq, ichaqa manan sapallanchu gobiernamunqa, aswanpas 144.000 runakunawan kuskan chayta ruwanqa. Paykunaqa janaq pachapi tiyanankupaqmi kausarichisqa kanku. Chay gobiernotan nikun Diospa gobiernon, nispa (Apocalipsis 14:1-3).
Chay gobiernon kay pachata munay paraisoman tukuchipunqa. Chaypiqa manan kanqachu guerrakuna, wajcha kay, yarqay ni suwapas. Llapa runakunan chaypiqa kusisqa kausanqaku (Salmos 145:16).
Astawan yachanaykipaq
BIBLIAMANTA YACHACHIKUYKUNA
¿Imaraykun wañuran Jesús?
Uyarirankichá “Jesusqa juchanchisraykun wañuran” nispa nisqankuta. ¿Imaynapin juj runallaq wañusqan llapa runata yanapanman?
BIBLIAQ WILLASQAN
Cristoq wañusqan
¿Imata yuyarinankupaqmi apostolninkunata Jesús niran manaraq traicionasqa kashaqtin?
JESUSPA WAÑUPUSQANTA YUYARINAPAQ
Jesuspa wañupusqanta yuyarisun
Tukuy sonqowan invitaykiku noqaykuwan kuska yuyarinaykipaq. Chaypin yachanki Jesuspa wañupusqan allinniykipaq kasqanta.
JUJ QELQAKUNA
¿Kausarimpunkumanchu wañupuqkuna?
¿Piniykipas wañupurqan? Bibliapi imachus willasqanmi yanapasunki kallpata jap’inaykipaq.
