TUANGA 8
Eaa te Aiteanga o to Iesu Mate kia Koe?
Kua mate a Iesu kia ora tatou. Ioane 3:16
E toru ra i muri ake i to Iesu mate anga, kua aere atu tetai au vaine ki tona ngai tanumanga e kua kiteaia mai e kare e kopapa. Kua akatuakaou mai a Iehova ia Iesu mei te mate.
Muri ake kua mama mai a Iesu ki tana au apotetoro.
Ae, kua akatuakaou mai a Iehova ia Iesu mei te mate ei angera ririnui, kare e mate akaou. Kua kite te au pipi a Iesu iaia te aere anga ki te rangi.
Kua akatuakaou mai te Atua ia Iesu e kua akariro iaia ei Ariki no te Patireia o te Atua. Daniela 7:13, 14
Kua oronga a Iesu i tona oraanga ei oko no te tangata ravarai. (Mataio 20:28) Na roto i taua oko ra, kua oronga mai te Atua i te tikaanga kia ora tatou e tuatau ua atu.
Kua iki a Iehova ia Iesu ei Ariki kia tutara ki rungao i te enua nei. I te pae iaia ko te 144,000 aronga akarongo mou tei akatuakaouia mai mei te enua nei ki te rangi. Ka riro a Iesu e te 144,000 ei ui ariki i roto i te Patireia o te Atua.—Apokalupo 14:1-3.
Ka akariro te Patireia o te Atua i te enua ei parataito. Ka kore te tamaki, te kino, te putaua, e te onge. Ka mataora tikai te au tangata.—Salamo 145:16.
Ka Reka Katoa Koe i Teia
ESSENTIAL BIBLE TEACHINGS
Eaa a Iesu i Mate Ei?
Te akakite maira te Pipiria eaa a Iesu i mate ei. E akakoroanga puapinga ainei tona matenga?
AKAMAARAANGA
Akamaara i te Mate o Iesu
Te pati atu nei matou ia koe kia piri mai kia matou no teia akakoroanga puapinga. Ka kite koe eaa i puapinga ai to Iesu oraanga e tona mate noou.
AU PUKA E TE AU POROUTIA
Ka Ora Akaou Tikai Ainei Tei Mate?
Kua mate ainei tetai tei akaperepereia e koe? Ka rauka te taputou a te Pipiria ei akapumaana ia koe.
