8 ДЕЛО
Со значинела туке е Исусескоро мерибе?
О Исус муло те шај амен те живина (Јован 3:16)
Трин диве пало е Исусескоро мерибе, дисаве џувља геле ко лескоро гробо ама аракхле ле чучо. О Јехова ваздинѓа е Исусе таро муле.
О Исус пало адава сикавѓа пе пе учениконге.
Оја, о Јехова ваздинѓа е Исусе сар јекх моќно, духовно ангели со никед нае те мерел. Е Исусескере ученикија дикхле ле сар џала упре ко небо.
О Девел ваздинѓа е Исусе таро муле хем керѓа ле Цари ко е Девлескоро Царство (Даниел 7:13, 14)
О Исус денѓа по живото те платинел и откупнина са е манушенге (Матеј 20:28). Преку и откупнина, о Девел керѓа те шај те живина засекогаш.
О Јехова чхивѓа е Исусе сар Цари те владинел ки цело Пхув. Олеа ка овен 144.000 верна мануша кола сој воскресниме тари Пхув те живинен ко небо. О Исус хем о 144.000 керена јекх праведно влада ко небо — е Девлескоро Царство (Откровение 14:1-3).
Е Девлескоро Царство ка керел и Пхув рај. Нае повише те овел марибе, криминал, чоролипе хем бокхалипе. О мануша ка овен чаче бахтале (Псалм 145:16).
Шај исто ка интересинел тут
ОСНОВНА БИБЛИСКА СИКЉОЈБА
Соске муло о Исус?
Шај шунѓан кај ов муло башо амаре гревија. Ама, сар шај тари жртва јекхе манушескири те овел корист буте џенен?
СПОМЕН-СВЕЧЕНОСТ
Сетин тут ко е Исусескоро мерибе
Канинаја тут те ове аменцар ко акава посебно настан. Ка сикљове сави корист шај те овел тут таро е Исусескоро живото хем мерибе.
ЛИЛА ХЕМ БРОШУРЕ
Ка џивдинен ли палем о муле?
Муло тутар ли некој со мангеа ле? О ветување тари Библија шај те утешинел ту.
