8. DEO
Sose tano e Isuseso meribe važno tuće?
O Isus dinđa po đivdipe te šaj amen te živina (Jovan 3:16)
Trin dive palo e Isuseso meribe, disave đuvlja alje ko oleso grobo. O grobo hine ćućo. O Jehova uskrsninđa e Isuse.
Palo odova, o Isus pojavinđa pe pekle apostolenđe.
O Jehova uskrsninđa e Isuse te živini ko nebo sar jekh moćno, duhovno osoba koja niked našti te merel. Olese učenikija dikhlje le sar đala ko nebo.
O Devel uskrsninđa e Isuse hem ćhivđa le te ovel Kralj ando e Devleso Kraljevstvo (Danilo 7:13, 14)
O Isus dinđa po đivdipe te šaj te oslobodini amen ando greh hem ando meribe (Matej 20:28). Sebepi odova, o Devel ka del amenđe večno đivdipe.
O Jehova ćhivđa e Isuse te ovel Kralj upri phuv. Oleja ka vladinen 144 000 verna manuša kola ka uskrsninen ko đivdipe ko nebo. O Isus hem o 144 000 ka oven deo andi pravedno nebesko vladavina – ando e Devleso Kraljevstvo (Otkrivenje 14:1-3).
E Devleso Kraljevstvo ka ćerel o raj ki phuv. O mariba, o kriminal, o ćororipe hem o bokhalipe više na ka ovel. Tegani, o manuša ćaće ka oven bahtale (Psalam 145:16).
Dikhen hem akava
OSNOVNA BIBLIJAKE SIKLJOVIBA
Sose o Isus mulo?
Ki Biblija pisini so e Isuseso meribe isi le baro značenje. Da li e Isuseso meribe hine le nesavi svrha?
SPOMEN-SVEČANOST
Dive ked setinaja amen ko e Isuseso meribe
Amen vilestar vićinaja tumen te aven ko akava posebno sastanko. Odothe ka šunen sar e Isuseso đivdipe hem meribe šaj te koristinen tumenđe.
KNJIGE HEM BROŠURE
Da li o mule ćaće palem ka živinen?
Da li mulo tutar neko kas mangljan? O utešno obećanje kova nalazini pe ki Biblija šaj te del tut snaga.
