LEKTIONA 8
Hoi hi tuke kowa, gai o Jesus meras?
O Jesus meras, te nashte djiwah hake tsireske. Johanni 3:16
Triin diwesa pal leskro merepen, rodan djuwja i Jeses an o muhlengo kher, gai job tchiddo his. Job his bude gar koi. O Jehowah djangras les i muhlendar.
Pal i tikno tsiro dikan les leskre fedeste maala.
Awa, o Jehowah das les pale o djipen un kras dran leste pale i sorlo bollepaskro, gai ma nai merella. Maala lestar dikan, ha djas job an o bollepen papale.
O Jesus was djangedo. Job hi o rai an o Dewleskro Them. Debleskro tsiro 11:15
O Jesus meras, te nai lell job i manushen dran o tchilatchepen un o merepen win (Mateo 20:28). Jaake krell o Dewel kowa, te nai djiwah hake tsireske.
O Jehowah beshas o Jeses pral i tseli phub. Job hi o rai. Leha ketene wenna 144 000 patsle manusha an o bollepen. Jon un o Jesus hi koj perfektiki bollepaskreskri loli – o Dewleskro Them (Debleskro tsiro 14:1-3).
O Dewleskro Them krell dran i tseli phub i paradiso. Khurepen, tchorepen, tchilatchepen, bokh, ninna o tchorwelepen dell bude gar. Hakeno wella bachteles (Gilja 145:16).
Kate hatseh budeder
ESSENTIAL BIBLE TEACHINGS
Hoske meras o Jesus?
O Jeseskro merepen hi bud moldes an i bibla. Meras o Jesus tchitcheske?
O JESESKRO MEREPEN
Ma biste ko diwes, gai o Jesus menge meras
An i spetsialtiko rakepen well pendlo, hawo latchepen o Jeseskro djipen, ninna hawo prossepen leskro merepen menge annella. Maro djiesta nashte weh, te shuness o rakepen!
LITERATURA
Mare muhle — Lenn jon o djipen pale?
Nashral tu jekes dran o merepen? I bibla dell tut i soor.
