NKALULO 8
Ifu lya Jesu li mi tusa bule?
Jesu aba tufwili kuti tuwane buhalo. Joani 3:16
Mazuba otatwe kuzwa ha ba fwili Jesu, bamwi banakazi ci bayenda kwi kumbu lya kwe ci baka wana kuti ka mwiina. Jehova aba buusi Jesu ku bafu.
Ku zwaho Jesu aba boneki ku baapositola ba kwe.
Ee, Jehova aba buusi Jesu ubu cibupiwa ca luhuho cina ziho, cisa fwi. Balutiwa ba Jesu ba ba mu boni haya kwi wulu.
ILeza aba buusi Jesu ni ku muha bu Simwine mu Mubuso we iLeza. Daniele 7:13, 14
Jesu aba hi buhalo bwa kwe kuti alukulule bantu ku cibi ni ifu. (Mateu 20:28) Ceyo inzila,iLeza utu wanisa buhalo busamani.
Jehova aba sali Jesu sina Simwine kuti abuse bena hansi. Kaabe ni bantu bena 144 000 ba sepahala ba ba buuswa ku bafu kuti ba ka hale kwi wulu. Jesu ni bena 144 000 ba bumba mubuso wa kwi wulu ulukite—Mubuso we iLeza.—Sinulo 14:1-3.
Mubuso we iLeza ka ucince cisi coonse ku ba iparadaisi. Inkondo, bugebenga, buhumanehi ni nzala kete ni zibe kwateni. Bantu ka ba sange luli.—Lisamu 145:16.
You May Also Like
IMBUKA ni MBUKAZANA
Kana luli ba fwile ka ba hale hape?
Kana mwafwilwa muntu umusaka? Insepiso ye Bibele isenga–senga iwola ku mitusa.
