PARTE 8
Jesus nia mate lori benefísiu saida?
Jesus mate hodi ita bele moris. João 3:16
Loron tolu depois Jesus mate, feto balu bá ninia rate, maibé rate neʼe mamuk. Maromak Jeová halo Jesus moris fali ona.
Liutiha neʼe, Jesus mosu ba ninia apóstolu sira.
Sin, Maromak Jeová halo Jesus moris filafali nuʼudar anju neʼebé iha forsa boot no labele mate. Jesus nia dixípulu sira haree nia saʼe ba lalehan.
Maromak halo Jesus moris filafali no foti nia sai Liurai ba Maromak nia Ukun iha lalehan. Daniel 7:13, 14
Jesus fó ninia moris atu salva ita. (Mateus 20:28) Liuhusi Jesus nia mate, Maromak fó oportunidade mai ita atu moris ba nafatin.
Maromak Jeová foti Jesus nuʼudar Liurai atu ukun mundu tomak. Iha mós ema naʼin–144.000 neʼebé hetan moris-hiʼas ba lalehan. Jesus no sira naʼin–144.000 sei sai liurai iha Maromak nia Ukun iha lalehan.—Apokalipse 14:1-3.
Maromak nia Ukun neʼe sei halo foun mundu tomak. Mundu neʼe sei sai paraízu hanesan jardín Eden. Funu, krime, kiak no hamlaha sei la iha tan. Ema sei moris ho kontente.—Salmo 145:16.
Karik Ita sei gosta
HANORIN IMPORTANTE SIRA HUSI BÍBLIA
Tanbasá mak Jesus mate?
Karik Ita rona ona katak nia mate atu kasu ita-nia sala. Maibé ema ida nia sakrifísiu bele duni lori benefísiu ba ema millaun ba millaun ka lae?
KOMEMORA JESUS NIA MATE
Komemora Jesus nia mate
Ho laran, ami hakarak konvida Ita atu tuir reuniaun importante neʼe. Iha neʼebá Ita sei aprende oinsá mak Jesus nia moris no mate kona mós Ita-nia moris.
LIVRU & BROXURA SIRA
Ema neʼebé mate ona bele moris fali ka lae?
Ita triste tanba família ka belun ruma mate ona? Promesa husi Bíblia bele fó kmaan ba Ita.
