Fizarangne 8
Mahasoa Azo ty Nahafate i Jesosy
Nimate ty Jesosy hivelomantikagne. Jaona 3:16
Telo andro tafara ty nahamate i Jesosy le nisy ampela tsy ampe nagnete i kibory nandevegnagne azey. Tsy tao reke fa nifohaze i Jehovah.
Natao i Jesosy ze hahatreava i mpiana e rey aze.
Nifohaze i Jehovah vata e ty Jesosy le natao e anjely mahery naho tsy mete mate. Nitrea i mpiana e rey ty nandehana i Jesosy andagnitse agne.
Daniela 7:13, 14
Nimate ty Jesosy faie nifohaze i Jehovah le natao e Mpitondra ty Fanjakan’Andrianagnahare.Nagnomey ty ai e ty Jesosy hagnavotagne ty ndaty toy iaby. (Matio 20:28) Izay ty hagnomean’Andrianagnahare fiaignagne tsy misy fara e antikagne.
I Jehovah ty nanedre i Jesosy ho Mpanjaka hinday ty tane toy. Hisy ndaty tsy mivalike hiarake mitondra ama e. Ty isa e 144 000, hofohaze e ho andagnitse agne iareo. Hinday ty Fanjakan’Andrianagnahare andagnitse agne iareo naho i Jesosy.—Apokalypsy 14:1-3.
Hagnova ty tane toy ho Paradisa ty Fanjakan’Andrianagnahare. Tsy hisy ty aly, ty malaso, ty mahantra, ty kere. Ho sambatse vata e ty ndaty toy iaby.—Salamo 145:16.