HAF 8
?Nata Nepalaken Nemesan Taha Iasu To Katar?
Iasu ramemes to katar mol katar karhinatin nosan namhiuan. Jon 3:16
Iasu ramemes mos nian kesal, neparauen nauin kamaren la suer tahan maro kenasaiiepan nepalakan. Yehoua ramol in ramihu.
Awatiseng ka, Iasu riarpen to tahan aposal min.
Awah, Yehoua ramol Iasu ramihu mun mua in naneman ker ieram tahan nasanan ripar, to kaman rasemes an mun. Nawatiseng min taha Iasu kamaiiep in nian ret makan la neai.
Uenghin ramol Iasu ramhiu mun kani melasit in rua Reramara la Niko tahan. Daniel 7:13, 14
Iasu ramova namhiuan tahan to nosan namren naramim min ripar. (Matiu 20:28) Nuhuasengenan taha Iasu, in suatu taha Uenghin to novaian namhiuan kam katar, in namhiuan lilan.
Yehoua ramlasit Iasu rua laramara, ma in reramara la tuitan. Ne naramim 144,000 ieram takairamara ila Iasu. Nian narem an kamamaien la tuitan, ilar kamailil temtem la Uenghin mairautes maremes. Awatiseng, Uenghin rol ilar karamiuh la neai. Iasu ne 144,000 naramim apa la Niko la neai taha Uenghin apa la neai.—Niko an, takaman raramara la tuitan la nolan atuatu. —Revelesen 14:1-3.
Niko taha Uenghin tarol tuitan ek rua paradaes. Naluakenan,nakhelaian, nauemis, ne naroan retat tarapeka. Naramim patem nekin ilar tarangiean.—Ol Sam 145:16.
