TUHAA 8
Eaha te auraa no oe te pohe o Iesu?
Ua pohe Iesu ia ora tatou. Ioane 3:16
E toru mahana i muri aˈe i to Iesu poheraa, ua haere te tahi mau vahine e hiˈo i to ˈna menema e aita e tino to roto. Ua faatia mai Iehova ia Iesu mai te pohe mai.
I muri iho ua fa ˈtu Iesu i ta ˈna mau aposetolo.
Ua faatia mai Iehova ia Iesu ei taata varua puai pohe ore. Ua ite te mau pǐpǐ a Iesu ia ˈna i te revaraa i te raˈi.
Ua faatia mai te Atua ia Iesu o tei riro ei Arii o ta ˈna Faatereraa. Daniela 7:13, 14
Ua horoa Iesu i to ˈna ora ei hoo no te huitaata. (Mataio 20:28) Maoti tera hoo, ua horoa mai te Atua i te ravea e ora ˈi tatou e a muri noa ˈtu.
Ua faatoroa Iehova ia Iesu ei Arii no te faatere i te fenua. E apiti atoa ˈtu 144 000 taata taiva ore tei faatiahia mai no te ora i te raˈi. E apiti na 144 000 ia Iesu no te faatupu i te hoê faatereraa parau-tia i te raˈi, te Faatereraa arii a te Atua.—Apokalupo 14:1-3.
E faariro te Faatereraa arii a te Atua i te fenua ei paradaiso. E ore te tamaˈi, te ohipa ino, te veve e te pohe poia. E oaoa mau te taata.—Salamo 145:16.
E au atoa outou . . .
HAAPIIRAA TUMU
No te aha Iesu i pohe ai?
Te haafaufaa rahi ra te Bibilia i to Iesu pohe. E tumu anei i pohe ai oia?
OROA HAAMANAˈORAA
A haamanaˈo i te mahana poheraa o Iesu
Te titau manihini nei matou ia oe ia haere mai i tera tupuraa faufaa. E faaitehia e nafea oe e faufaahia ˈi i te ora e te pohe o Iesu.
BUKA E BUKA RAIRAI
E tia faahou iho â anei te feia pohe?
Ua pohe anei te hoê i herehia e oe? E tamahanahana ˈtu ïa te parau fafau a te Bibilia.
