8 ДУГААР КЕЗЕК
Иисустуң өлүмү сеңээ кандыг хамаарылгалыгыл?
Бисти чурттазын дээш, Иисус өлүп калган (Иоанның 3:16).
Иисустуң өлүмүнүң соонда, үш хонук эрткенде, ону орнукшуткан куйга каш херээжен улус чедип келген, ынчалза-даа ында кым-даа чок болган. Иегова Иисусту диргизипкен.
Ооң соонда Иисус бодунуң элчиннеринге чедип келген.
Иегова Иисусту күчү-күштүг, өлүм чок дээрниң төлээзи кылдыр диргизипкен. Ол дээрже көдүрлүп үнүп турда, Иисустуң өөреникчилери ону көрген.
Бурган Иисусту диргизипкеш, бодунуң Чагыргазының Хааны кылдыр томуйлаан (Даниил 7:13, 14).
Иисус бодунуң амы-тынын кижи төрелгетени дээш төлевир кылдыр берген (Матфейниң 20:28). Ол төлевирниң ачызында Бурган биске мөңге чурттаар арганы берген.
Иегова Иисусту черниң хааны кылдыр томуйлаан. Ооң биле кады дээрге чурттаар 144 000 шынчы кижилер чагырар. Иисус база 144 000 чагырыкчылар дээрге турар чөп-шынныг чагырганы тургузар (Ажыдыышкын 14:1—3).
Бурганның Чагыргазы бүгү черни дываажаң кылдыр кылыр. Моон соңгаар дайыннар-даа, кем-херек үүлгедиишкиннери-даа, ядарал-даа, аш-чут-даа турбас. Кижилер ёзулуг аас-кежиктиг болур (Ырлар 144:16).
Силерге солун бооп болур
САКТЫЫШКЫН КЕЖЭЭЗИ
Христостуң бис дээш өлгенин сактып чоруңар
Ол чугула ужуражылганы бистиң-биле кады эрттиреринче силерни сеткиливистиң ханызындан чалап тур бис. Иисустуң чуртталгазы болгаш өлүмү силерге чүге чугулазын аңаа билип алыр силер.
НОМНАР БОЛГАШ БРОШЮРАЛАР
Чок апарган улус катап чурттаар бе?
Бир эвес силерниң чоок кижиңер чок апарган болза, библейжи аазаашкын силерни оожургадыр.
