XVAXAKVOKʼAL
¿Kʼu yuʼun cham li Jesuse?
Li Jesuse cham sventa xuʼ xijkuxi (Juan 3:16).
Kʼalal oxib xa ox kʼakʼal slajel li Jesuse, oy jlom antsetik ay skʼelbeik li smukinale, pe muʼyuk xa te oy. Yuʼun chaʼkuxesat xa ox yuʼun Jeova.
Ta tsʼakale, laj yakʼ sba ta ilel ta stojolal yajtakboltak.
Li Jeovae la xchaʼkuxes Jesus kʼuchaʼal jun espiritu ti ep sjuʼel xchiʼuk ti mu snaʼ xchame. Li yajtsʼaklomtake laj yilik kʼalal muy batel ta vinajele.
Li Diose la xchaʼkuxes li Jesuse xchiʼuk laj yakʼ ochuk ta Ajvalil li ta Ajvalilal yuʼune (Daniel 7:13, 14).
Li Jesuse laj yakʼ xkuxlejal sventa tspoj li krixchanoetike (Mateo 20:28). Ta skoj li pojelal taje, li Diose chalbutik ti xuʼ jtatik li kuxlejal sbatel osile.
Li Jeovae la stʼuj Jesus sventa x-och ta Ajvalil yoʼ sventain tal li balumile. Pe mu stukuk ch-ajvalilaj, tspas mantal xchiʼuk 144 mil tukʼil krixchanoetik ti chichʼik chaʼkuxesel sventa chbatik ta vinajele. Li Jesus xchiʼuk li 144 mile chkʼotik ta jun tukʼil ajvalilal, jaʼ li Ajvalilal yuʼun Diose (Apokalipsis 14:1-3).
Li Ajvalilal yuʼun Diose tskʼatajes ta jun paraiso li balumile. Chlaj skʼoplal li paskʼope, li milbaile, li povreale xchiʼuk li viʼnale. Chmuyubajik ta melel li krixchanoetike (Salmo 145:16).
Xuʼ van chakʼupin skʼelel xtok liʼe
LI KʼUSI BAʼYEL SKʼAN JCHANTIK TA VIVLIAE
¿K’u yuʼun cham li Jesuse?
Li Vivliae chalbe tajek skʼoplal li slajel Jesuse. ¿Mi yuʼun toj tsots skʼoplal li slajele?
LI VIVLIAE, ¿KʼUSITIK CHALBE SKʼOPLAL?
Li slajel Cristoe
¿Kʼusi laj yakʼbe slikeb Jesús kʼalal mu toʼox ch-akʼat ta kʼabale xchiʼuk kʼalal mu toʼox chjokʼanat ta jtel teʼe?
LI SNAʼOBIL SLAJEL KRISTOE
Jvules ta joltik li slajel Jesuse
Oy ta koʼontonkutik ti xtal achiʼinunkutik li ta jun tsobajel ti toj tsots skʼoplale. Te chavaʼi kʼuxi xuʼ jtabetik sbalil ti laj yakʼ xkuxlejal ta jtojolaltik li Jesuse.
LIVROETIK XCHIʼUK FOYETOETIK
¿Mi xuʼ to van xkuxiik yan velta li buchʼutik chamemike?
¿Mi oy buchʼu chamem avuʼun? Xuʼ skoltaot li kʼusi chal Vivliae.
