حصہ 8
یسوع مسیح کی موت سے آپ کو کیا فائدہ ہوگا؟
یسوع مسیح نے اپنی جان دے دی تاکہ ہمیں ہمیشہ کی زندگی ملے۔ یوحنا 3:16
یسوع مسیح کی موت کے تین دن بعد کچھ عورتیں اُن کی قبر پر گئیں۔ لیکن قبر خالی تھی کیونکہ یہوواہ خدا نے یسوع مسیح کو زندہ کر دیا تھا۔
بعد میں یسوع مسیح اپنے شاگردوں کو دکھائی دئے۔
یہوواہ خدا نے یسوع مسیح کو انسانی جسم کے ساتھ زندہ نہیں کِیا بلکہ روحانی جسم کے ساتھ۔ وہ اپنے شاگردوں کی آنکھوں کے سامنے آسمان پر چلے گئے۔
دانیایل 7:13، 14
خدا نے یسوع مسیح کو زندہ کِیا اور اُن کو آسمان پر بادشاہ بنایا۔یسوع مسیح نے اپنی جان قربان کر دی تاکہ انسان گُناہ اور موت سے چھٹکارا پا سکیں۔ (متی 20:28) یوں یہوواہ خدا نے ہمیں ہمیشہ کی زندگی پانے کا موقع دیا۔
یہوواہ خدا نے یسوع مسیح کو زمین کا بادشاہ مقرر کِیا ہے۔ خدا نے ایک لاکھ 44 ہزار انسانوں کو بھی چنا ہے جو مرنے کے بعد آسمان پر زندہ کئے جاتے ہیں۔ یہ ایک لاکھ 44 ہزار لوگ یسوع مسیح کے ساتھ آسمان پر حکومت کریں گے۔ اِس حکومت کو خدا کی بادشاہت کہتے ہیں۔—مکاشفہ 14:1-3۔
خدا کی بادشاہت زمین پر فردوس قائم کرے گی۔ اُس وقت جنگ، جُرم اور غربت ختم ہو جائیں گے۔ کسی کو بھوکے پیٹ نہیں سونا پڑے گا۔ لوگ ہنسیخوشی رہیں گے۔—زبور 145:16۔