PARTE 8
Come che la morte de Gesù la pol giutarte?
Gesù lʼè morto par che noantri podéssino viver par sempre. João 3:16
Tre giorni dopo dela morte de Gesù, un per de fémene le ga visità el soo sepolcro e lo ga catà vodo. Geovà el gavea ressussità Gesù.
Dopo, Gesù el se ga fato veder ai soi apòstoli.
Geovà el ga ressussità Gesù come una criatura spiritual con grando poder e imortalità. I dissìpoli de Gesù i lo ga visto ndar su al cielo.
Geovà el ga ressussità Gesù e lo ga scoliesto par esser Re del Regno de Dio. Daniel 7:13, 14
Gesù el ga pagà un risgate par la umanità cola soa vita. (Mateus 20:28) Dio el ga tornà possìbile che gavéssino vita eterna par meso de sto risgate.
Geovà el ga scoliesto Gesù par esser Re e governar la Tera. Governarà insieme con lu 144 mila persone obediente a Dio. Ste persone le è tolte dela Tera e ressussitade par viver nel cielo. Del cielo Gesù e i 144 mila i sarà drio governar la Tera de maniera giusta. Questo lʼè el Regno de Dio. — Apocalipse 14:1-3.
El Regno de Dio farà dela Tera un paradiso. No esistirà mia pi la guera, el crime, la fame e persone poarete. Tuti i viverà in vera felicità. — Salmo 145:16.
Te piaserà de veder anca questo
LE VERITÀ IMPORTANTE DELA BÌBLIA
Parché che Gesù l’è morto?
La Bìblia la parla che la morte de Gesù la ze tanto importante. Come che la morte de Gesù la ne giuta?
SELEBRASSION
Ricorda dela Morte de Gesù
Gavemo el piaser de invitarte par star insieme con noantri par selebrar la morte de Gesù cossita come lu el ga ordinà. Impara come la vita e la morte de Gesù le pol benefissiarte.
LIBRI E LIBRETI
Sarà che quei che i ze morti i pol viver nantra volta ntela Tera?
Te ghè belche perso una persona che te ghe volea ben nela morte? La promessa dela Bìblia la te da consolo.
