EMPARI 8
Okhwa wa Yesu ontaphulela eheeni wa nyuwo?
Yesu ohookhwa weera nikhaleno ekumi yoohimala. Yohani 3:16
Evinrene mahiku mararu Yesu akhwiye, axithiyana akina yaarowa oxekura makhaburi aavithiwawemo. Mene khiyapwannyemo etthu. Yehova annvinyereriha Yesu.
Voottharelana, Yesu ahaakhumelela ooxutteraawe.
Yehova anvinyereriha Yesu anakhala nlaika nooweraxa ni noohiikhwa. Ooxuttera a Yesu yaamona awelaka wirimu.
Yehova onvinyereriha Yesu ni oonvara omwene wa olamulelo wa Muluku. Daniyeli 7:13, 14
Yesu oovelela ekumawe weera alivele soottheka s’atthu a elapo ya vathi. (Matheyo 20:28) Olivela wene weiwo, hiyo nnowera okhalano ekumi yoohimala.
Yehova oonvara omwene Yesu weera alamuleleke elapo yavathi. Ni yowo atthu 144 mil enaalamuleleke vamoha ni yoowo, atthu ene yaawo ethummwe elapo ya vathi. Atthu 144 mil erii atthu yaawo eneera ekilatthi mwehitxeni wirimu wuuwu. — Apokalise 14:1-3.
Omwene wa Muluku onaatatuxe elapo ya vathi okhala elapo yooreera. Ekhottho, ohaawa, etala sinoomala. Atthu a elapo ya vathi enekhale oohakalala. — Nsalmu 145:16.
You May Also Like
ESSENTIAL BIBLE TEACHINGS
Yesu akhwenle heeni?
Biblya onnahima weera okhwa wa Yesu yookhalano yookhavihera wa hiyo. Vano nto neereke okhwa wawe yookhala yookhaviheraaya?
WUUPUWELELA
Wuupuwelela okhwa wa Yesu
Nintthuna woowopani weera murwe moone muthukumano owo wootepa otthuneya. Nyuwo munrowa oxutta moota okumi ni okhwa wa Yesu onrowa aya wookhaviherani.
ILIIVURU NI IBROXURA
Atthu akhwiye anotthikela okhala akumi?
Nyuwo mwaatoko okhweliwa mutthu mwaamusivela anyu? Natiri a mBibliyani onimookhaviherani.
